French
DeutschŞair Həsənov — Vikipediya
| Şair Həsənov | |
|---|---|
 | |
| 19 aprel 2001 – 28 fevral 2006 | |
| Əvvəlki | Abid Şərifov |
| Sonrakı | Abbas Ələsgərov (Şəhərsalma və Arxitektura Komitəsinin sədri kimi) |
| 20 iyul 1999 – 19 aprel 2001 | |
| Əvvəlki | Sücəddin Abdullayev |
| Sonrakı | vəzifə ləğv edilib |
 .svg){kind=small} | |
| 12 dekabr 1990 – 22 may 1991 | |
| Əvvəlki | Arif Mansurov |
| Sonrakı | vəzifə ləğv edilib |
| |
| 1986 – 1989 | |
| Sədr | Musa Məmmədov Müzamil Abdullayev |
| |
| 7 yanvar 1983 – 12 dekabr 1985 | |
| Əvvəlki | Dadaş Asanov |
| Sonrakı | vəzifə ləğv edilib |
| Şəxsi məlumatlar | |
| Doğum tarixi | 10 iyul 1936 |
| Doğum yeri | |
| Vəfat tarixi | 15 mart 2017 (80 yaşında) |
| Dəfn yeri | |
| Partiya |
|
| | |
| Təltifləri |    |
Şair Nəcməddin oğlu Həsənov (10 iyul 1936, Qusar – 15 mart 2017) — Azərbaycan inşaatçı-mühəndisi və ictimai-siyasi xadimi, Azərbaycan Respublikası Tikinti və Arxitektura Komitəsinin sədri (2001–2006), Mənzil-Kommunal Təsərrüfatı Komitəsinin sədri (1999–2001), Azərbaycan SSR tikinti materialları sənayesi naziri (1990–1991), Azərbaycan SSR Dövlət Aqrar Sənaye Komitəsi sədrinin müavini (1986–1989), Azərbaycan SSR kənd tikintisi naziri (1983–1985).
Həyatı[redaktə | mənbəni redaktə et]
Şair Nəcməddin oğlu Həsənov 10 iyul 1936-cı ildə (bəzi mənbələrdə 10 iyun) Qusar şəhərində anadan olmuşdur. 1958-ci ildə Azərbaycan Politexnik İnstitutunu yol nəqliyyatı mühəndisi ixtisası üzrə bitirmişdir.[1] Həmin ildən Azərbaycan SSR Tikinti Nazirliyi sistemində iş icraçısı, elmi-tədqiqat laboratoriyasının mühəndisi, böyük mühəndisi, bölmə rəhbəri, tikintinin təşkili və texnologiyas tresti şöbəsinin baş mühəndisi, texnika idarəsi rəisinin müavini, Sənaye Tikintisi Nazirliyi "Dəmir-beton" trestinin baş mühəndisi, nazirliyin istehsalat idarəsinin rəisi vəzifələrində işləmişdir.[2]
Şair Həsənov 1977–1980-ci illərdə Azərbaycan SSR kənd tikintisi nazirinin birinci müavini, 1980–1983-cü illərdə Azərbaycan SSR Baş Kolxoz-Sovxoz Tikintisi Baş İdarəsinin ("Başkolxozsovxoztikinti") rəisi, 1983–1985-ci illərdə kənd tikintisi naziri, 1986-cı ildən 1989-cu ilədək Azərbaycan Dövlət Aqrar-Sənaye (Aqrosənaye) Komitəsi sədrinin müavini, 1990-cı ilin yanvar ayından dekabr ayınadək "Azəravtoyol" İstehsalat Birliyinin rəis müavini vəzifələrində çalışmışdır.[3][4] 1990–1991-ci illərdə Azərbaycan SSR tikinti materialları sənayesi naziri, 1991-ci ilin may ayından "Azərtikintimaterialsənaye" Dövlət Konserninin prezidenti olmuşdur.[5]
Şair Həsənov 1999–2001-ci illərdə Azərbaycan Respublikası Nazirlər Kabineti yanında Mənzil-Kommunal Təsərrüfatı Komitəsinin sədri işləmiş, 2001-ci ilin aprel ayında isə Azərbaycan Respublikası Tikinti və Arxitektura Komitəsinin sədri təyin olunmuşdur.[6] Komitəsinin 28 fevral 2006-cı ildə ləğv edilməsindən sonra Şair Həsənov təqaüdə çıxmışdır.[1] 2006-cı ildə isə "Samur" Ləzgi Milli Mərkəzi İdarə Heyətinin sədri seçilmiş və ictimai fəaliyyəti davam etdirmişdir.[3]
Şair Həsənov 1961-ci ildən Sovet İttifaqı Kommunist Partiyasının[2], 1993-cü ildən isə Yeni Azərbaycan Partiyasının üzvü olmuş, Azərbaycan SSR Ali Sovetinin 10–11-ci çağırış deputatı seçilmişdir. "Azərbaycan SSR əməkdar mühəndisi" (1982) fəxri adına layiq görülmüş, "Şərəf nişanı" (1982), "Qırmızı əmək bayrağı" (1986) ordenləri və bir yubiley medalı ilə təltif edilmişdir.[7] 2014-cü ildən Azərbaycan Respublikası Prezidentinin fərdi təqaüdçüsü olmuşdur.
Şair Həsənov 2017-ci ildə vəfat etmiş, martın 15-də Bakı şəhərində dəfn olunmuşdur.[3]
İstinadlar[redaktə | mənbəni redaktə et]
- ↑ 1 2 İbrahimov, B.; Allahverdiyev, Z. Həsənov Şair Nəcməddin oğlu // Azərbaycan Tikinti Kompleksinin Ensiklopediyası (ATKE). I cild. Bakı: Yeni Poliqrafist. 2011. səh. 147−148. 400 tiraj.
- ↑ 1 2 Һәсәнов Шаир Нәҹмәддин оғлу // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 417.
- ↑ 1 2 3 Şair Nəcməddin oğlu Həsənov // Qusar. № 9–10 (7567–7568). 12 aprel 2017. S. 3.
- ↑ Шаир Нәҹмәддин оғлу Һәсәнов: [Азәрбајҹан ССР тикинти материаллары сәнајеси назири] // Коммунист. 13 декабр 1990-ҹы ил. С. 1.
- ↑ Һәсәнов Шаир Нәҹмәддин оғлу // Азәрбајҹанда ким кимдир? (Сорғу-мәлумат китабы). Тәртибчи-мүәллифләр: Тејмур Әһмәдов, Тарыјел Ҹаһанҝир. Бакы: "Азәрбајҹан Енсиклопедијасы" НПБ. 1999. С. 500. ISBN 5-89600-253-x.
- ↑ Həsənov Şair Nəcməddin oğlu // Azərbaycanda kim kimdir? (Ensiklopedik sorğu kitabı). Müəllif və tərtibçi: Tariyel Cahangir. Bakı: "Çıraq" nəşriyyatı. 2004. S. 97.
- ↑ Həsənov Şair Nəcməddin oğlu // Azərbaycanda kim kimdir? – 2001 (Ensiklopedik sorğu kitabı). Bakı: "Azərbaycan Milli Ensiklopediyası" nəşriyyatı. 2001. S. 84. ISBN 5-89600-332-3.
Xarici keçidlər[redaktə | mənbəni redaktə et]
- Şair Həsənov vəfat edib // novator.az. 16 mart 2017. 27 May 2022 tarixində arxivləşdirilib. İstifadə tarixi: 4 may 2022.
- Ş. N. Həsənova Azərbaycan Respublikası Prezidentinin fərdi təqaüdünün verilməsi haqqında Azərbaycan Respubli̇kası Prezi̇denti̇ni̇n Sərəncamı // e-qanun.az. 7 may 2014. 4 May 2022 tarixində arxivləşdirilib. İstifadə tarixi: 4 may 2022.
- Ş. N. Həsənovun Azərbaycan Respublikası Dövlət Tikinti və Arxitektura Komitəsinin sədri təyin edilməsi haqqında Azərbaycan Respubli̇kası Prezi̇denti̇ni̇n Fərmanı // e-qanun.az. 19 aprel 2001. 4 May 2022 tarixində arxivləşdirilib. İstifadə tarixi: 4 may 2022.
- Ş. N. Həsənovun Azərbaycan Respublikası Nazirlər Kabineti yanında Mənzil-Kommunal Təsərrüfatı Komitəsinin sədri vəzifəsindən azad edilməsi haqqında Azərbaycan Respubli̇kası Prezi̇denti̇ni̇n Fərmanı // e-qanun.az. 19 aprel 2001. 4 May 2022 tarixində arxivləşdirilib. İstifadə tarixi: 4 may 2022.
- Ş. N. Həsənovun Azərbaycan Respublikasının Nazirlər Kabineti yanında Mənzil-Kommunal Təsərrüfatı Komitəsinin sədri təyin edilməsi haqqında Azərbaycan Respubli̇kası Prezi̇denti̇ni̇n Fərmanı // e-qanun.az. 20 iyul 1999. 4 May 2022 tarixində arxivləşdirilib. İstifadə tarixi: 4 may 2022.