Musa Məmmədov (dövlət xadimi)

Musa Məmmədov
Musa Məmmədov (deputat).jpg
bayraqAzərbaycan Respublikası Baş nazirinin müavinibayraq
2 yanvar 1992 — 6 mart 1992
Prezident Ayaz Mütəllibov
Baş nazir Həsən Həsənov
bayraqAzərbaycan SSR Nazirlər Soveti sədrinin birinci müavini — Azərbaycan SSR Dövlət Aqrosənaye Komitəsinin sədribayraq
13 dekabr 1985 — 26 dekabr 1988
Sələfi Süleyman Tatlıyev
Xələfi Müzamil Abdullayev
bayraqAzərbaycan SSR Nazirlər Soveti sədrinin müavinibayraq
21 dekabr 1984 — 13 dekabr 1985
Şəxsi məlumatlar
Doğum tarixi 15 iyul 1932(1932-07-15)
Doğum yeri
Vəfat tarixi 12 mart 2019(2019-03-12) (86 yaşında)
Vəfat yeri
Partiya
Təhsili
Elmi fəaliyyəti
Elmi dərəcəsi iqtisad elmləri doktoru

Təltifləri "Oktyabr inqilabı" ordeni "Qırmızı əmək bayrağı" ordeni "Şərəf nişanı" ordeni "Şərəf nişanı" ordeni
"Azərbaycan SSR əməkdar aqronomu" fəxri adı Azərbaycan SSR Dövlət mükafatı — 1978

Musa Salam oğlu Məmmədov (15 iyul 1932, Qutqaşen12 mart 2019, Bakı) — Azərbaycan dövlət xadimi və alimi, Azərbaycan Respublikası Baş nazirin müavini (1992),[1], dövlət müşaviri, Azərbaycan Meşə Təsərrüfatı İstehsal Birliyinin sədri (1989–2001), Azərbaycan SSR Ali Sovetinin (X–XII çağırış) deputatı, iqtisad elmləri doktoru, kənd təsərüfatı elmləri namizədi, əməkdar aqronom.[2]

Həyatı[redaktə | mənbəni redaktə et]

Musa Məmmədov 1932-ci il iyul ayının 15-də Qəbələdə anadan olmuşdur. 1948-ci ildə orta məktəbi, 1952-ci ildə isə Azərbaycan Kənd Təsərrüfatı İnstitutunun aqronomluq fakültəsini fərqlənmə diplomu ilə bitirmişdir. Həmin ildə aspiranturaya daxil olan Musa Məmmədov 1956-cı ildə dissertasiya müdafiə edərək elmlər namizədi alimlik dərəcəsi almışdır. Kənd təsərrüfatı və meşə təsərrüfatının müxtəlif sahələrinin inkişafı ilə əlaqədar 40 elmi əsərin, bir çox monoqrafiyaların, bir neçə kitabın, ixtiraların müəllifidir.[3]

Fəaliyyəti[redaktə | mənbəni redaktə et]

Bir müddət Azərbaycan Kənd Təsərrüfatı İnstitutunda müəllim, tədris-təcrübə təsərrüfatının direktoru vəzifələrində işləmişdir. 1964-cü ildə Kənd Təsərrüfatı Nazirliyinin idarə rəisi vəzifəsinə təyin olunmuşdur.
1968–1970-ci illərdə Dövlət Çörək Məhsulları və Qarışıq Yem Sənayesi Komitəsinin sədr müavini, 1970–1979-cu illərdə isə Respublika tədarük nazirinin müavini vəzifələrində işləmişdir. Daha sonra vəzifədə irəli çəkilərək "Azərkəndkimya" Elm-İstehsalat Birliyinin sədri vəzifəsinə təyin edilmişdir. 1984-cü ilə qədər sədr vəzifəsini icra edən Musa Məmmədov bir il müddətinə Azərbaycan SSR Nazirlər Soveti sədrinin müavini, 1985–1989-cu illərdə sədrin birinci müavini və Dövlət Aqrar Sənaye Komitəsinin sədri, 1989–2001-ci illərdə Respublika Meşə Təsərrüfatı İstehsal Birliyinin sədri vəzifələrində çalışmışdır.

Musa Məmmədov həmçinin SSRİ Kənd Təsərrüfatı Nazirliyinin kollegiyasına üzv seçilmişdir. 1992-ci ildə Azərbaycan Respublikası Baş nazirinin müavini təyin edilmişdir. Sonralar vəfat edənədək isə Kənd təsərrüfatı nazirinin müşaviri vəzifələrində işləmişdir.

Mükafatları[redaktə | mənbəni redaktə et]

"Qırmızı əmək bayrağı", "Oktyabr inqilabı", iki dəfə "Şərəf nişanı" ordeni və müxtəlif medallarla təltif olunmuşdur. İki dəfə Respublika Ali Sovetinin Fəxri fərmanı, Ümumittifaq Xalq Təsərrüfatı Nailiyyətləri Sərgisinin iki qızıl, iki gümüş və bürünc medalları ilə, iki dəfə sərginin Fəxri diplomları ilə təltif edilmişdir. Elm və texnika üzrə Dövlət mükafatı laureatı, Respublikanın əməkdar aqronomu adına layiq görülmüşdür. Respublikada aqrar sahənin idarə edilməsinin təkmilləşdirilməsi sahəsində göstərdiyi əvəzsiz xidmətləri nəzərə alınaraq Azərbaycan Respublikası Prezidentinin fərdi təqaüdünə layiq görülmüşdür.

İstinadlar[redaktə | mənbəni redaktə et]

  1. Azərbaycan Respublikası Prezidentinin Müvəkkili: M. S. Məmmədovun Azərbaycan Respublikası Baş nazirinin müavini təyin edilməsi haqqında Azərbaycan Respublikası Prezidentinin fərmanı
  2. Veteranlarla görüş
  3. Tahirli Abid. "Keçmiş nazir müavini vəfat edib - Unudulmaz Musa müəllim" (az.). modern.az. 12 mart 2019. İstifadə tarixi: 2019-03-12.