Zəfər bayrağı (Azərbaycan) — Vikipediya

Zəfər bayrağı
Təfərrüatlar
Proporsiya 1:2
Dizayn Mavi rəng, qırmızı rəng, yaşıl rəng. Qırmızı zolağın ortasında ağ rəngli aypara və səkkizguşəli ulduz təsviri vardır.

Zəfər bayrağı — 8 noyabr 2020-ci il Ermənistanın işğalından azad olunduqdan sonra Azərbaycan Ordusu əsgərləri tərəfindən Şuşa şəhəri icra hakimiyyəti binası üzərinı qaldırılan bayraq. Bu bayraq Azərbaycanın İkinci Qarabağ müharibəsində Zəfər Bayrağı elan olunub.[1]

Şuşa şəhəri azad edildikdən sonra Azərbaycan Xüsusi Təyinatlı Qüvvələri hərbçiləri tərəfindən sancılan bayraq Azərbaycannın İkinci Qarabağ müharibəsində qələbəsinin əsas simvoludur. Zəfər bayrağı 2020-ci il 10 dekabrda keçirilən Qələbə Paradında nümayiş olunmuşdur. Bayraq meydana Şuşa azad olunandan sonra şəhərin ilk komendatı təyin edilən Vətən Müharibəsi Qəhrəmanı, general-mayor Zaur Məmmədovun rəhbərlik etdiyi qrup tərəfindən gətirilmişdir.[2]

Zəfər bayrağı Azərbaycan Respublikasının rəsmi simvollarından biridir. Hazırda Müdafiə Nazirliyində saxlanılsa da gələcəkdə Azərbaycan Respublikası Prezidenti İlham Əliyevin 03 dekabr 2020-ci il tarixli Sərəncamı[3] ilə yaradılacaq Vətən müharibəsi memorial kompleksinin və Zəfər muzeyində nümayiş olunacaq.

Tarixi[redaktə | mənbəni redaktə et]

Şuşanın azad edilməsi əməliyyatı xəritəsi

2020-ci il sentyabrın 27-dən noyabrın 10-dək Azərbaycan və Ermənistan arasında İkinci Qarabağ müharibəsi olmuşdur.[4] noyabrın 25-də Kəlbəcər,[4] dekabrın 1-də Laçın rayonları[5] Ermənistan respublikası ilə 44 gün davam edən müharibə Azərbaycanın inamlı qələbəsi ilə bitmişdir. Müharibə ərzində Azərbasycan tərəfi 4 oktyabrda Cəbrayıl rayonunu[6][7], 17 oktyabrda Füzuli rayonunu[8][9], 20 oktyabrda Zəngilan rayonunu[10][11], 25 oktyabrda Qubadlı rayonunu[12][13] azad etmişdir. Bu müharibə ərzində Azərbaycan ordusunun ən müvəfəqiyyətli əməliyyatı 8 noyabrda Şuşa şəhərinin işğaldan azad edilməsi olmuşdur.[14][15][16] Məhz Şuşa əməliyyatı müharibənin bitməsində mühüm amil olmuşdur.[17]

Bayrağın sancılması[redaktə | mənbəni redaktə et]

General-leytenant Kərim Vəliyevin rəhbərlik etdiyi Azərbaycan Respublikasının Dövlət Bayrağı, Zəfər Bayrağı və Azərbaycan Silahlı Qüvvələri qoşun növlərinin bayraqlarının keçidi

Şuşa şəhərinin azad edilməsi əməliyyatı çərçivəsində Azərbaycan Xüsusi Təyinatlı Qüvvələri[18] 7 noyabrda şəhərin qayalıqlarını dırmaşaraq yüngül silah-sursat ilə Şuşaya daxil olmuşdur.[19] Onlar tezliklə erməni qoşunlarını şəhərdən qovmuş və 8 noyabrda Azərbaycan Prezidenti İlham Əliyev Azərbaycan qüvvələrinin Şuşanı işğaldan azad etdiyini bəyan etmişdir.[20] Şəhər azad edildikdə Azərbaycan silahlı qüvvələri şəhər icra hakimiyyəti binası üzərində Azərbaycan bayrağını qaldırmışdılar.

Noyabrın 10-u Bakı vaxtı ilə saat 01:00-dan etibarən Dağlıq Qarabağ münaqişəsi zonasında atəşin və hərbi əməliyyatların tam dayandırılması, 1 dekabradək Ermənistan qüvvələrinin Dağlıq Qarabağın ətrafında Ermənistan nəzarətindəki Azərbaycan ərazilərindən çıxarılması ilə nəticələnən bəyanatla müharibə bitmişdir.[21]

Zəfər bayrağının elan edilməsi[redaktə | mənbəni redaktə et]

2020-ci il dekabrın 10-da Bakıda Azadlıq Meydanında Azərbaycanın İkinci Qarabağ müharibəsində qələbəsi şərəfinə tarixi hərbi parad keçirilmişdir.[22] Zəfər Paradında 3000 Azərbaycan əsgəri və zabiti[23] ilə yanaşı və türk əsgər və zabitləri də iştirak etmişdir.[24]

Hərbi paraddan əvvəl Şuşa şəhəri azad edildikdən sonra Azərbaycan Xüsusi Təyinatlı Qüvvələrinin hərbçiləri tərəfindən sancılan bayraq Azərbaycannın Zəfər bayrağı elan edilmişdir. Bu barədə hərbi paradın aparıcısı Abdulla Qurbani məlumat vermişdir.[1] Azərbaycanın İkinci Qarabağ müharibəsində qələbəsinin əsas simvolu olan Zəfər bayrağı hərbi parad zamanı meydana Şuşa azad olunandan sonra şəhərin ilk komendatı təyin edilən Vətən Müharibəsi Qəhrəmanı, general-mayor Zaur Məmmədovun rəhbərlik etdiyi qrup tərəfindən gətirilmişdir.[25]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. ↑ 1 2 "Şuşaya sancılan bayraq Vətən müharibəsinin Zəfər Bayrağı elan olunub". 2020-12-24 tarixində arxivləşdirilib. İstifadə tarixi: 2020-12-23.
  2. ↑ "Bakının Azadlıq meydanında Vətən müharibəsində Qələbəyə həsr olunmuş Zəfər paradı keçirilir". 2021-05-07 tarixində arxivləşdirilib. İstifadə tarixi: 2020-12-23.
  3. ↑ "Bakı şəhərində Vətən müharibəsi memorial kompleksinin və Zəfər muzeyinin yaradılması haqqında Azərbaycan Respublikası Prezidentinin Sərəncamı". 2021-01-09 tarixində arxivləşdirilib. İstifadə tarixi: 2020-12-23.
  4. ↑ 1 2 "Azərbaycan Respublikasının Prezidenti, Ermənistan Respublikasının baş naziri və Rusiya Federasiyasının Prezidentinin Bəyanatı". 2020. 2020-11-25 tarixində arxivləşdirilib. İstifadə tarixi: 2020-12-24.
  5. ↑ "Arxivlənmiş surət". 2021-01-21 tarixində arxivləşdirilib. İstifadə tarixi: 2020-12-24.
  6. ↑ "Cəbrayıl işğaldan AZAD OLUNDU". modern.az (az.). 4 oktyabr 2020. 2021-08-05 tarixində arxivləşdirilib. İstifadə tarixi: 8 noyabr 2020.
  7. ↑ "Prezident: Cəbrayıl rayonunun böyük hissəsinin və Cəbrayıl şəhərinin azad edilməsi xüsusi əhəmiyyət daşıyır". azeridefence.com (az.). 4 oktyabr 2020. 2021-08-05 tarixində orijinalından arxivləşdirilib. İstifadə tarixi: 8 noyabr 2020.
  8. ↑ "İlham Əliyev: "Füzuli işğaldan azad olundu"". oxu.az (az.). 17 oktyabr 2020. 2021-02-06 tarixində arxivləşdirilib. İstifadə tarixi: 8 noyabr 2020.
  9. ↑ "Prezident: "Füzuli şəhəri və rayonun daha bir neçə kəndi işğaldan azad olunub"". report.az (az.). Report İnformasiya Agentliyi. 17 oktyabr 2020. 2021-08-05 tarixində arxivləşdirilib. İstifadə tarixi: 8 noyabr 2020.
  10. ↑ "Zəngilan və bu kəndləri azad edildi". qafqazinfo.az (az.). Qafqazinfo. 20 oktyabr 2020. 2021-08-05 tarixində arxivləşdirilib. İstifadə tarixi: 8 noyabr 2020.
  11. ↑ "Ali Baş Komandan: "Zəngilan şəhəri və bir neçə kənd işğaldan azad edildi"". lent.az (az.). 20 oktyabr 2020. 2020-12-02 tarixində orijinalından arxivləşdirilib. İstifadə tarixi: 8 noyabr 2020.
  12. ↑ "Qubadlı şəhəri işğaldan azad olundu!". qafqazinfo.az (az.). Qafqazinfo. 25 oktyabr 2020. 2021-08-05 tarixində arxivləşdirilib. İstifadə tarixi: 8 noyabr 2020.
  13. ↑ "Qubadlı şəhəri işğaldan azad edildi – Prezident". sputnik.az (az.). Sputnik Azərbaycanca. 25 oktyabr 2020. 2021-08-05 tarixində arxivləşdirilib. İstifadə tarixi: 8 noyabr 2020.
  14. ↑ "Müstəqillik tariximizin ən möhtəşəm xəbəri – Şuşa azad edildi!". sputnik.az (az.). Sputnik Azərbaycan. 8 noyabr 2020. 2021-08-05 tarixində arxivləşdirilib. İstifadə tarixi: 8 noyabr 2020.
  15. ↑ "Şuşa şəhəri işğaldan azad edildi". report.az (az.). Report İnformasiya Agentliyi. 8 noyabr 2020. 2021-08-05 tarixində arxivləşdirilib. İstifadə tarixi: 8 noyabr 2020.
  16. ↑ "İlham Əliyev: Şuşa işğaldan azad edildi!". oxu.az (az.). 8 noyabr 2020. 2021-02-06 tarixində arxivləşdirilib. İstifadə tarixi: 8 noyabr 2020.
  17. ↑ "Armenia, Azerbaijan and Russia sign Nagorno-Karabakh peace deal". BBC. 10 noyabr 2020. 2020-11-10 tarixində arxivləşdirilib. İstifadə tarixi: 29 noyabr 2020.
  18. ↑ Əliyev, İlham. "Release of the Press Service of the President" (ingilis). Azərbaycan Prezidentinin Administrasiyası. 8 noyabr 2020. 2020-11-09 tarixində arxivləşdirilib. İstifadə tarixi: 8 noyabr 2020.
  19. ↑ "Почему Азербайджан выиграл войну в Карабахе? Отвечают военные эксперты". 2020-11-11 tarixində arxivləşdirilib. İstifadə tarixi: 2020-12-24.
  20. ↑ "Şuşa: Azerbaycan lideri Aliyev, Dağlık Karabağ'ın ikinci büyük kentini ele geçirdiklerini açıkladı" [Shusha: Azerbaijani leader Aliyev announced that they have seized the second largest city of Nagorno-Karabakh]. BBC Türkcə Xidməti (türk). 8 noyabr 2020. 2020-12-02 tarixində arxivləşdirilib. İstifadə tarixi: 2 dekabr 2020.
  21. ↑ "Prezident İlham Əliyev Azərbaycan, Rusiya və Ermənistan rəhbərlərinin iştirakı ilə imzalanmış sənədin mətnini açıqlayıb tam mətn". lent.az (az.). 10 noyabr 2020. 2020-11-16 tarixində orijinalından arxivləşdirilib. İstifadə tarixi: 10 noyabr 2020.
  22. ↑ "Baku preparing for grandiose Victory Parade – VIDEO". Azerbaycan24 (ingilis). 3 December 2020. 7 January 2021 tarixində arxivləşdirilib. İstifadə tarixi: 10 December 2020.
  23. ↑ "Zəfər paradında əsgərlərin marşı, yeni silah və hərbi texnika – şəkillərdə". BBC Azerbaijani Service (az.). 10 December 2020. 10 December 2020 tarixində arxivləşdirilib. İstifadə tarixi: 10 December 2020.
  24. ↑ "Bakıda "Zəfər Paradı" keçirildi". Amerikanın Səsi (az.). Voice of America. 10 December 2020. 7 February 2021 tarixində arxivləşdirilib. İstifadə tarixi: 10 December 2020.
  25. ↑ "Bakının Azadlıq meydanında Vətən müharibəsində Qələbəyə həsr olunmuş Zəfər paradı keçirilir". 2021-05-07 tarixində arxivləşdirilib. İstifadə tarixi: 2020-12-23.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Zəfər_bayrağı_(Azərbaycan)&oldid=7457564"