Unudulmuş qəhrəman (film, 2005) — Vikipediya

Unudulmuş qəhrəman
Unudulmuş qəhrəman
Janr	sənədli film, tarixi film
Rejissor	Eldar Quliyev;
Ssenari müəllifləri	Eldar Quliyev; Müsəllim Həsənov;
Operator	Rafiq Quliyev;
İstehsalçılar	Azərbaycan Mədəniyyətinin Dostları Fondu, Azərbaycanfilm
İlk baxış tarixi	2005
Müddət	46 dəq.
Ölkə	Azərbaycan;
Dillər	Azərbaycan dili, rus dili
Texniki məlumatlar	5 hissə
Rəng	rəngli

Məzmun[redaktə | mənbəni redaktə et]

Kiyev, Minsk, Moskva, Tula… Bu qəhrəman şəhərlər sırasında təəssüf ki, bizim Bakının adı çəkilmir.

Əslində Bakı neftçiləri müharibənin 1418 günü ərzində cəbhəni yanacaqla fasiləsiz təmin etmişdir. O dövrdə Sovet İttifaqında çıxarılan neftin 75 faizi Bakının payına düşürdü. Bu isə o deməkdir ki, hər 10 təyyarədən 7-i, hər 10 tankdan 7-i Bakı yanacağı ilə işləyirdi.

Film İkinci Dünya müharibəsi illərində qəhrəman Bakının və Bakı neftinin müharibə üçün böyük əhəmiyyətindən danışır. Bakı müharibə zamanı neft çatdırıb verməsəydi müharibədə qalib gəlmək xəyal olardı. Bu səbəbdən Hitlerin ən ümdə planlarından biri Bakını tutmaq və neft daşlarını ələ keçirmək idi. Hətta bu plandan xəbər tutan Stalin 1942-ci ildə Bakı mədənlərini partlatmaq üçün hazırlıq görülməsini əmr edir…