Tofiq Əhmədov (nazir)

Vikipediyada bu ad-soyadlı digər şəxslər haqqında da məqalələr var; bax: Tofiq Əhmədov.
Tofiq Əhmədov
Tofiq Əhmədov (nazir).jpg
bayraqAzərbaycan SSR kənd tikintisi naziribayraq
7 dekabr 1965 — 30 iyun 1971
Sələfi nazirlik yaradılıb
Xələfi Saleh Hacıyev
bayraqAzərbaycan SSR tikinti nazirinin birinci müavinibayraq
16 yanvar 1962 — dekabr 1965
Nazir Məmmədəli Abbasov
bayraqAzərbaycan SSR Dövlət Tikinti və Arxitektura İşləri Komitəsinin sədribayraq
23 may 1960 — 16 yanvar 1962
Sələfi Həsən Məcidov
Xələfi Yaqub İsmayılov
Şəxsi məlumatlar
Doğum tarixi 1926 və ya 1924
Partiya КПСС.svg Sov.İKP (1954)
Təltifləri "Azərbaycan SSR əməkdar mühəndisi" fəxri adı

Tofiq Cahangir oğlu Əhmədov — Azərbaycan-sovet dövlət xadimi, Azərbaycan SSR kənd tikintisi naziri (1966–1971), Azərbaycan SSR Dövlət Tikinti və Arxitektura İşləri Komitəsinin sədri (1960–1962).

Həyatı[redaktə | mənbəni redaktə et]

Tofiq Əhmədov 1926-cı ildə (başqa mənbəyə əsasən 1924-cü ildə hazırkı Salyan rayonunda[1]) qulluqçu ailəsində anadan olmuşdur. Azərbaycan Sənaye İnstitutunu bitirmişdir. 1948-ci ildən Daşkəsən mədən tikintisi trestində usta, tikinti sahəsinin rəisi, mühəndis, baş mühəndis, trestin müdiri olmuşdur.[2]

Tofiq Əhmədov 1958–1960-cı illərdə Azərbaycan SSR Xalq Təsərrüfatı Şurası Tikinti İdarəsinin baş mühəndisi, idarə rəisinin müavini vəzifələrində işləmişdir. 1960–1962-ci illərdə Azərbaycan SSR Nazirlər Sovetinin Dövlət Tikinti və Arxitektura İşləri Komitəsinin sədri, 1962-ci ildən isə Azərbaycan SSR tikinti nazirinin birinci müavini vəzifələrində çalışmışdır.[3] 1965–1971-ci ildə Azərbaycan SSR kənd tikintisi naziri olmuşdur.[1]

Tofiq Əhmədov Azərbaycan Kommunist Partiyası Mərkəzi Komitəsinin üzvlüyünə namizəd olmuş, Azərbaycan SSR Ali Sovetinə (6–7-ci çağırış) deputat seçilmişdir. Ona "Azərbaycan SSR əməkdar mühəndisi" fəxri adı verilmişdir.[2]

İstinadlar[redaktə | mənbəni redaktə et]

  1. ↑ 1 2 İbrahimov, B.; Allahverdiyev, Z. Əhmədov Tofiq Cahangir oğlu // Azərbaycan Tikinti Kompleksinin Ensiklopediyası (ATKE). I cild. Bakı: Yeni Poliqrafist. 2011. səh. 97. 400 tiraj.
  2. ↑ 1 2 Әһмәдов Тофиг Ҹаһанҝир оғлу // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 166.
  3. ↑ Әһмәдов Тофиг Ҹаһанҝир оғлу // Азәрбајҹан ССР Али Советинин депутатлары. Алтынҹы чағырыш. Бакы: Азәрбајҹан ССР Али Советинин нәшри. 1965. С. 132.
Mənbə — "https://az.wikipedia.org/w/index.php?title=Tofiq_Əhmədov_(nazir)&oldid=6538183"
Back to top