Sarı Mustafa Paşa — Vikipediya

Sarı Mustafa Paşa (ö. 1732) — Osmanlı sultanı III Əhməd dönəmində müxtəlif vəzifələrdə xidmət etmiş dövlət xadimi.

Atası IV Mehmed dönəminin sədrəzəmlərindən Dəli Hüseyn Paşa idi. Atasının 1659-cu ildə edamından sonra saraya alındı və Əndərunda yetişdirildi. Burada yüksələrək qapıçılar kəndxudası oldu və 25 noyabr 1725-ci ildə vəzirlik rütbəsilə Sivas və İrəvan bəylərbəyi təyin edildi. Bu vəzifədə ikən 21 oktyabr 1727-ci ildə Sultan Əhmədin qızlarından Saliha Sultanla nigahlandı. Bu səbəblə paytaxta çağırıldı və cütlüyün toy mərasimi 1728-ci ilin mayında baş tutdu. 1732-ci ildə İstanbulda vəfat etmişdir.

Saliha Sultanla olan nigahından 1 oğlu, 4 qızı dünyaya gəlmişdir:

• Sultanzadə Əhməd bəy (ö. 17 yanvar 1733) - uşaq yaşlarında vəfat etmişdir.
• Fatma xanım Sultan - 1748-ci ilin aprelində atalığı Yəhya Paşanın qardaşı İbrahim bəylə evləndirilmişdir.
• Xədicə xanım Sultan - Bığlı Mehmed Paşa və Fatma xanım Sultanın oğlu Səid Mehmed bəylə evlənmiş, Seyid Xəlil bəy (ö. 6 aprel 1782) adlı oğlu dünyaya gəlmişdir.
• Ayşə xanım Sultan (ö. 1753) - Əyyubsultanda dəfn olunduğu bilinir.
• Əminə xanım Sultan (ö. 12 may 1823) - 1750-ci ildə İsmayıl Zühdü Paşa ilə evləndiyi, Əyyubsultanda dəfn olunduğu bilinir.

Mənbə[redaktə | mənbəni redaktə et]

• Sicill-i Osmani IV cild, səh. 179

İstinadlar[redaktə | mənbəni redaktə et]