Sahil bağı — Vikipediya

Sahil bağı
Parkdan görünüş.
Parkdan görünüş.
Məlumatlar
Parkın tipi park
Yerləşməsi Üzeyir Hacıbəyov küçəsi, Bakı, Azərbaycan Azərbaycan
Sahəsi 22 min m2
Xəritədə yeri
Xəritə
Vikianbarın loqosu Vikianbarda əlaqəli mediafayllar

Sahil bağı və ya Sahil parkıBakı şəhərinin mərkəzində, Üzeyir Hacibəyov küçəsində yerləşən park.

Adı[redaktə | mənbəni redaktə et]

Densterfors Sentrokaspi diktaturası ordusuna təlim verir (müasir Sahil bağı, sağda Daşnaksütun Bakı ofisi — indiki Azərbaycan Bəstəkarlar İttifaqının binası)

Bu bağa ilk olaraq Hürriyyət bağı adı verilməsi və Nuru Paşanın heykəlinin burda ucaldılması təklif edilib. Səbəb kimi də, 1918-ci ildə Qafqaz İslam Ordusu Bakını azad etdikdə Nuru Paşanın çağırışı ilə bayram mitinqinin məhz indiki Sahil bağının yerləşdiyi ərazidə təşkil olunması və Nuru Paşanın həmin gün sözügedən əraziyə Hürriyyət meydanı adını verməsi göstərilmişdi.[1]

SSRİ dövründə isə bu bağ əvvəllər 26-lar bağı kimi tanınırdı. Belə ki, Türkmənistanda güllələnən 26-ların cəsədləri 1920-ci ildə parkın yerində dəfn olunmuşdular.[1]

2018-ci ildə AXC-nin 100 illiyi ilə əlaqədar bağın adının Cümhuriyyət bağı adlandırılması təklif edilmişdi.[2]

Xüsusiyyətlər[redaktə | mənbəni redaktə et]

Parkın ortasında, böyük, Şərq üslubunda tikilən, fincan şəkilli, üç pilləli fəvvarə var. Bağın ərazisindəki çoxillik ağaclar arasında çoxlu palma, çinar, göyrüş və başqa ağaclar var.[3]

Ərazisi 22 min m2 olan parkda 2009-cu ildə əsaslı təmir işləri aparılıb. Bağda kompüterlə idarə olunan və italiyalı mütəxəssislər tərəfindən hazırlanmış 3 yeni fəvvarədən ibarət kompleks quraşdırılıb.[1]

Bağın 12 min kvadratmetr ərazisinin asfalt örtüyü ləğv edilərək, onun yerinə Braziliya, İsveç, Çinİtaliyadan gətirilən qranit-mərmər döşənib. Burada, həmçinin müxtəlif hava şəraitinə davamlı materialdan hazırlanmış oturacaqlar qoyulub. Bağdakı ağaclar və güllərin böyük hissəsi Hollandiyadan gətirilib. İşıqlandırma sistemində isə İtaliya istehsalı olan avadanlıqdan istifadə edilib.[1]

Yerləşməsi[redaktə | mənbəni redaktə et]

Bakının mərkəzi hissəsində, Xaqani küçəsinin, Bülbül prospektinin, Üzeyir Hacıbəyli və Rəşid Behbudov küçələrinin kəsişdiyi ərazidə, Mirzə Fətəli Axundzadə adına Azərbaycan Milli Kitabxanasının qarşısında yerləşən bu bağ tarixi tikililərlə əhatə olunub.[3]

Bağın perimetri boyunca Azərbaycanın mədəniyyət xadimlərinin adları ilə bağlı binalar yerləşir. Buradakı evlərin birində 1937-ci ildən 1967-ci ilə qədər Azərbaycan opera müğənnisi, SSRİ Xalq Artisti, Azərbaycan vokal musiqisinin əsasını qoyanlardan biri olmuş Bülbül yaşayıb.[3]

İstinadlar[redaktə | mənbəni redaktə et]

  1. 1,0 1,1 1,2 1,3 "23 cəllada məzar olmuş "Sahil bağı"... - "ParklarıMIZ", FOTOLAR". Müsavat (az.). 3 may 2015. 2 August 2018 tarixində arxivləşdirilib. İstifadə tarixi: 2 avqust 2018.
  2. ""Sahil" bağı "Cümhuriyyət" bağı adlandırılsın... (+FOTO-VIDEO)". Azerpress (az.). 25 yanvar 2018. 2022-04-05 tarixində arxivləşdirilib. İstifadə tarixi: 2 avqust 2018.
  3. 3,0 3,1 3,2 "Bakının 12 əfsanəvi parkı". Azertag (az.). 28 iyun 2016. 2017-08-12 tarixində arxivləşdirilib. İstifadə tarixi: 2 avqust 2018.