French
DeutschSərdar Səfərov — Vikipediya
| Sərdar Səfərov | |
|---|---|
| Sərdar Mədəd oğlu Səfərov | |
 Sərdar Səfərov | |
| Şəxsi məlumatlar | |
| Doğum tarixi | |
| Doğum yeri | |
| Vəfat tarixi | (31 yaşında) |
| Vəfat yeri | Xankəndi yaxınlığında |
| Vəfat səbəbi | Şəhid |
| Dəfn yeri | |
| Milliyyəti | azərbaycanlı |
| Hərbi fəaliyyəti | |
| Rütbəsi | milis mayoru[d] |
| Təltifləri |  |
Sərdar Mədəd oğlu Səfərov (12 avqust 1960, Kəlbəcər rayonu – 25 sentyabr 1991, Əsgəran rayonu, DQMV) — Azərbaycanın Milli Qəhrəmanı; Qarabağ müharibəsi şəhidi.
Həyatı[redaktə | mənbəni redaktə et]
Sərdar Səfərov 12 avqust 1960-cı ildə Kəlbəcər rayonunda anadan olmuşdur. 1977-ci ildə burada məktəbi bitirmiş və kolxozda işləmişdir. 1979- 1981-ci illərdə hərbi xidmətdə olmuşdur. 1987-ci ildə SSRİ-nin Kaunas Xüsusi Milis Məktəbini bitirir. 1991-ci ildə Vətənə dönür və Qusar rayonunda sahə müvəkkili işləməyə başlayır.
Xilaskar qəhrəman[redaktə | mənbəni redaktə et]
1991-ci il 25 sentyabr erməni terrorçuları Əsgəran rayonu ərazisində "QAZ-53" markalı sərnişin avtomobilinə hücum etmişdilər. Buraya göndərilən istintaq qrupunun müstəntiqi Sərdar Səfərov idi. Hadisə yerindən qayıdan istintaq qrupu Xankəndi yaxınlığında erməni yaraqlılarının hücumuna məruz qaldılar. Sərdar yoldaşlarını xilas edərək qəhrəmancasına həlak oldu. Kəlbəcər rayonunda dəfn edilmişdir.
Ailəsi[redaktə | mənbəni redaktə et]
Ailəli idi, ölümündən üç ay sonra bir qızı dünyaya gəlmişdi.
Xatirəsi[redaktə | mənbəni redaktə et]
Azərbaycan Respublikası Prezidentinin 8 oktyabr 1992-ci il tarixli 264 saylı fərmanı ilə Sərdar Mədəd oğlu Səfərov ölümündən sonra "Azərbaycanın Milli Qəhrəmanı" adına layiq görülmüşdür.
2022-ci ildə Sərdar Səfərovun barelyefinin açılışı olub[1].
Həmçinin bax[redaktə | mənbəni redaktə et]
Mənbə[redaktə | mənbəni redaktə et]
- Elbrus Şahmar "Şah İsmayıl qartalları" Bakı-1996. ("Bilmək olmaz bu dünyanın işini, Bəlkə bir də görüşmədik, ya qismət." oçerki) səh.34-37.
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 261.
İstinadlar[redaktə | mənbəni redaktə et]
- ↑ AzTV. "Azərbaycanın Milli Qəhrəmanı Sərdar Səfərovun barelyefinin açılışı olub" (az.). Youtube.com. 06.10.2022. 2022-10-08 tarixində arxivləşdirilib. İstifadə tarixi: 2022-10-06.
