Sədaqət Əliyeva — Vikipediya

Sədaqət Əliyeva
azərb. Sədaqət Ağasəfər qızı Əliyeva‎
Doğum tarixi (60 yaş)
Doğum yeri SSRİ, Azərbaycan SSR, Bakı
Vətəndaşlığı SSRİ SSRİ→
Azərbaycan Azərbaycan
Milliyyəti Azərbaycanlı
İxtisası Sənətşünaslıq
Fəaliyyəti Kulturologiya və onun ümumi məsələləri
Mükafatları "Azərbaycan Respublikasının əməkdar mədəniyyət işçisi" fəxri adı — 2013

Sədaqət Əliyeva (d. 10 oktyabr 1963, Bakı, Azərbaycan SSR) — Azərbaycan Respublikasının əməkdar mədəniyyət işçisi (2013)[1][2], Azərbaycan Dövlət Mədəniyyət və İncəsənət Universitetinin Elm və yaradıcılıq işləri üzrə prorektoru[3], dosent, "Mədəniyyət dünyası"[4] və "Azərbaycan Dövlət Mədəniyyət və İncəsənət Universitetinin Elmi Əsərləri"[5] adlı məcmuələrin redaktoru.

Həyatı[redaktə | mənbəni redaktə et]

Sədaqət Ağasəfər qızı Əliyeva 10 oktyabr 1963-cü ildə Bakı şəhərində dünyaya göz açmışdır. Ailəlidir. İki övladı var.[6]

Təhsili[redaktə | mənbəni redaktə et]

Bakı şəhər 190 saylı orta məktəbdə (1971–1981) təhsil alıb. 1985-ci ildə M. Ə. Əliyev adına Azərbaycan Dövlət İncəsənət İnstitutunu fərqlənmə diplomu ilə bitirib. 2006-cı ildə "6219.01 — Kulturologiya və onun ümumi məsələləri" ixtisas şifrində Kulturologiya üzrə fəlsəfə doktoru elmi dərəcəsinə, 2011-ci ildə isə ADMİU-da "dosent" elmi adına layiq görülmüşdür. 2012-ci ildə ADMİU-nun doktoranturasına daxil olmuşdur; "Mədəniyyətdə qadın problemi: tədqiqatların istiqaməti və problematikası" mövzusunda elmi araşdırma üzərində çalışır.[7]

Elmi və pedaqoji fəaliyyəti[redaktə | mənbəni redaktə et]

1985-ci ildən gənc mütəxəssis kimi M. Ə. Əliyev adına Azərbaycan Dövlət İncəsənət İnstitutunun (indiki Azərbaycan Dövlət Mədəniyyət və İncəsənət Universitetində) Mədəni-maarif işi kafedrasında baş laborant, saathesabı müəllim kimi iş fəaliyyətinə başlayıb. 1997-ci ildən müəllim, 2002-ci ildə baş müəllim, 2007-ci ildən 2021-ci ilədək kafedra müdiri vəzifəsində çalışmışdır. 2021-ci ildən Azərbaycan Dövlət Mədəniyyət və İncəsənət Universitetinin Elm və yaradıcılıq işləri üzrə prorektorudur.[6]

Sədaqət Əliyeva bir monoqrafiya, 3 dərsliyin həmmüəllifi, 4 dərsliyin, bir sıra tədris proqramlarının, 50-dən çox elmi məqalə və tezisin müəllifi, eləcə də respublika, beynəlxalq elmi seminar və konfransların məruzəçisidir.[6]

İstinadlar[redaktə | mənbəni redaktə et]

  1. ↑ ""Azərbaycan Dövlət Mədəniyyət və İncəsənət Universitetinin əməkdaşlarına fəxri adların verilməsi haqqında" AZƏRBAYCAN RESPUBLİKASI PREZİDENTİNİN SƏRƏNCAMI, 10 dekabr 2013-cü il". 2017-09-23 tarixində arxivləşdirilib. İstifadə tarixi: 2022-12-04.
  2. ↑ Mədəniyyət və İncəsənət Universitetinin əməkdaşlarına fəxri adlar verildi — SİYAHI
  3. ↑ "Nazir prorektoru vəzifəsindən azad etdi — Yeni təyinat". 2023-06-29 tarixində arxivləşdirilib. İstifadə tarixi: 2022-12-04.
  4. ↑ ""Mədəniyyət dünyası" elmi-nəzəri məcmuə". 2022-08-15 tarixində arxivləşdirilib. İstifadə tarixi: 2022-12-04.
  5. ↑ "Azərbaycan Dövlət Mədəniyyət və İncəsənət Universitetinin Elmi Əsərləri". 2022-08-07 tarixində arxivləşdirilib. İstifadə tarixi: 2022-12-04.
  6. ↑ 6,0 6,1 6,2 "ELM VƏ YARADICILIQ İŞLƏRİ ÜZRƏ PROREKTOR". 2022-11-14 tarixində arxivləşdirilib. İstifadə tarixi: 2022-12-04.
  7. ↑ "KULTUROLOGİYA" KAFEDRASININ MÜDİRİ

Keçid[redaktə | mənbəni redaktə et]

Mənbə — "https://az.wikipedia.org/w/index.php?title=Sədaqət_Əliyeva&oldid=7215383"