Səttar Zülfüqarov — Vikipediya

Səttar Zülfüqarov
Səttar Zülfüqarov
Azərbaycan SSR ət və süd sənayesi naziri
	20 oktyabr 1965 – 30 iyun 1971
Əvvəlki	vəzifə təsis edilib
Sonrakı	Arif Məmmədov
Şəxsi məlumatlar
Doğum tarixi	26 iyun 1910
Doğum yeri	Çiçi, Quba qəzası, Bakı quberniyası, Rusiya imperiyası;
Vəfat tarixi	oktyabr 1976 (66 yaşında)
Partiya	ÜİK(b)P (1942)
Elmi fəaliyyəti
Elmi dərəcəsi	kənd təsərrüfatı elmləri namizədi
Təltifləri	;

Səttar Abuzər oğlu Zülfüqarov (26 iyun 1910, Çiçi, Quba qəzası – oktyabr 1976) — Azərbaycan-sovet dövlət xadimi, Azərbaycan SSR ət və süd sənayesi naziri (1965–1971).

Həyatı[redaktə | mənbəni redaktə et]

Səttar Abuzər oğlu Zülfüqarov 1910-cu ildə hazırkı Quba rayonunun Çiçi kəndində kəndli ailəsində anadan olmuşdur.^[1] 1931-ci ildən inşaatçı-texnik işləmiş, 1934-cü ildən Pyatiqorsk Zootexnika İnstitutunun tələbəsi olmuşdur. Kənd təsərrüfatı elmləri namizədi elmi dərəcəsini almışdır.^[2]

1938-ci ildə institutu bitirən Səttar Zülfüqarov Ağstafa atcılıq zavodunda işləmişdir.^[1] 1939–1943-cü illərdə o, burada zootexnik, zavodun direktoru vəzifələrində çalışmışdır. 1943-cü ildən Azərbaycan SSR xalq əkinçilik komissarının müavini və sovxozlar nazirinin müavini olmuşdur. 1950-ci ildən Bakı ət kombinatının baş zootexniki, atçılıq zavodunun direktoru, Azərbaycan SSR Nazirlər Sovetinin heyvandarlıq bölməsinin rəisi, 1959-cu ildən isə Azərbaycan Kommunist Partiyası Mərkəzi Komitəsinin kənd təsərrüfatı şöbəsi müdirinin müavini vəzifələrində çalışmışdır.^[2]

1962–1965-ci illərdə Səttar Zülfüqarov tədarük nazirinin müavini, quşçuluq sənayesi idarəsinin rəisi, kənd təsərrüfatı nazirinin müavini vəzifələrində işləmişdir. 1965-ci ilin oktyabrında Azərbaycan SSR ət və süd sənayesi naziri təyin edilmişdir.^[2] 1971-ci ildə o, təqaüdə çıxmış, eyni zamanda Ümumittifaq Elmi-Tədqiqat Ət Sənayesi İnstitutu Bakı şöbəsinin direktor müavini işləmişdir.^[1]

Səttar Zülfüqarov 1942-ci ildən Sov.İKP üzvü olmuş, Azərbaycan SSR Ali Sovetinin 7-ci çağırış deputatı seçilmişdir.^[2] 1966-cı ildən Azərbaycan KP Təftiş Komissiyasının üzvü olmuşdur.^[3] O, iki dəfə "Şərəf nişanı" ordeni, medallar ilə təltif edilmiş^[1] və "Azərbaycan SSR əməkdar zootexniki" fəxri adına layiq görülmüşdür.^[2]

Səttar Zülfüqarov ağır xəstəlikdən sonra 1976-cı ildə vəfat etmişdir.^[1]

İstinadlar[redaktə | mənbəni redaktə et]

↑ ^1,0 ^1,1 ^1,2 ^1,3 ^1,4 С. А. Зүлфүгаров // Коммунист. № 243 (16372). 17 октјабр 1976-ҹы ил. С. 4.
↑ ^2,0 ^2,1 ^2,2 ^2,3 ^2,4 Зүлфүгаров Сәттар Абузәрович // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 169.
↑ Zulfugarov, Sattar Abuzarovich // Prominent personalities in the USSR (ingilis). Metuchen, New Jersey: Scarecrow Press. 1968. səh. 728.

[kom76-1] 1,0 ^1,1 ^1,2 ^1,3 ^1,4 С. А. Зүлфүгаров // Коммунист. № 243 (16372). 17 октјабр 1976-ҹы ил. С. 4.

[dep7-2] 2,0 ^2,1 ^2,2 ^2,3 ^2,4 Зүлфүгаров Сәттар Абузәрович // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 169.

[prom-3] Zulfugarov, Sattar Abuzarovich // Prominent personalities in the USSR (ingilis). Metuchen, New Jersey: Scarecrow Press. 1968. səh. 728.

[1]

[2]

[3]