French
DeutschRövşən İbrahimov — Vikipediya
| Rövşən İbrahimov | |
|---|---|
| Rövşən Hüseyn oğlu İbrahimov | |
 | |
| 18 may 2018 – 24 fevral 2019 | |
| Şəxsi məlumatlar | |
| Doğum tarixi | 20 avqust 1967 |
| Doğum yeri | |
| Vəfat tarixi | 25 fevral 2019 (51 yaşında) |
| Vəfat yeri | |
| Partiya | |
| Təhsili | |
| Atası | Hüseyn İbrahimov |
| | |
| Təltifləri |  |
Rövşən Hüseyn oğlu İbrahimov (20 avqust 1967, Siyəzən rayonu – 25 fevral 2019, Bakı) — Naftalan Şəhər İcra Hakimiyyətinin başçısı (18 may 2018 – 24 fevral 2019).
Həyatı[redaktə | mənbəni redaktə et]
Rövşən Hüseyn oğlu İbrahimov 20 avqust 1967-ci ildə Siyəzən rayonunda anadan olub.
1991-ci ildə Azərbaycan İnşaat Mühəndisləri İnstitutunun Sənaye və mülki tikinti fakultəsini bitirərək "İnşaat mühəndisliyi" ixtisasına yiyələnmişdir.
1986–1988-ci illərdə həqiqi hərbi xidmətdə olmuşdur.
Əmək fəaliyyətinə 1991-ci ildən "AZNEFT" İstehsalat Birliyinin "Xəzərdənizneftqaztikinti" trestindəiş icraçısı olaraq başlamışdır.
ARDNŞ-də müxtəlif sahələr üzrə rəhbər vəzifələrdə çalışmışdır.
Fevral 2011-ci ildən 18 may 2018-ci il tarixinədək ARDNŞ-də Sosial İnkişaf İdarəsinin Tikinti Departamentinin rəisi vəzifəsində işləmişdir.
Azərbaycan Respublikasının neft sənayesi işçilərinin təltif edilməsi haqqında Azərbaycan Respublikası Prezidentinin 19 sentyabr 2014-cü il tarixli Sərəncamına əsasən "TƏRƏQQİ" medalı ilə təltif edilmişdir.
Azərbaycan Respublikası Prezidenti İlham Əliyevin 18 may 2018-ci il tarixili Sərəncamı ilə Rövşən Hüseyn oğlu İbrahimov Naftalan Şəhər İcra Hakimiyyətinin başçısı təyin edilib.[1]
Yeni Azərbaycan Partiyasının üzvü idi.
25 fevral 2019-cu ildə Bakı şəhərində yaşadığı evdə vəfat etmişdir.[2]
Ailəli idi, 2 övladı var.
Mükafatları[redaktə | mənbəni redaktə et]
Azərbaycan Respublikası Prezidentinin 19 sentyabr 2014-cü il sərəncamı ilə Azərbaycan neftçilərinin peşə bayramı və "Əsrin müqaviləsi"nin 20 illiyi münasibətilə ölkənin neft sənayesinin inkişafında xidmətinə görə Rövşən İbrahimov "Tərəqqi" medalı ilə tətif edilmişdir.[3]
İstinadlar[redaktə | mənbəni redaktə et]
- ↑ Naftalana yeni icra başçısı təyin edilib
- ↑ Azərbaycanda icra başçısı vəfat etdi — 52 yaşında Arxivləşdirilib 2019-08-31 at the Wayback Machine. qafqazinfo.az, 25.02.2019 (az.)
- ↑ "Azərbaycan Respublikasının neft sənayesi işçilərinin təltif edilməsi haqqında Azərbaycan Respublikası Prezidentinin Sərəncamı". 2018-04-15 tarixində arxivləşdirilib. İstifadə tarixi: 2018-05-20.