French
DeutschPərvin Əlizadə — Vikipediya
| Pərvin Əlizadə | |
|---|---|
 | |
| Şəxsi məlumatlar | |
| Doğum tarixi | 11 sentyabr 1993(1993-09-11) |
| Doğum yeri | |
| Vəfat tarixi | 20 oktyabr 2020(2020-10-20) (27 yaşında) |
| Vəfat yeri | |
| Vəfat səbəbi | döyüşdə ölüm |
| Dəfn yeri | |
| Vətəndaşlığı |  Azərbaycan |
| Təhsili | |
| Hərbi fəaliyyəti | |
| Mənsubiyyəti |  Azərbaycan Ordusu |
| Qoşun növü |  Quru Qoşunları |
| Xidmət illəri | ?-2020 |
| Rütbəsi | Leytenant |
| Döyüşlər | İkinci Qarabağ müharibəsi • Madagizin azad edilməsi |
| Təltifləri |  2020 |
Pərvin Vüqar oğlu Əlizadə (11 sentyabr 1993, Qazaxlar, Bərdə rayonu – 20 oktyabr 2020, Tərtər rayonu) — Azərbaycan Silahlı Qüvvələrinin leytenantı, taqım komandiri, İkinci Qarabağ müharibəsi şəhidi.
Mündəricat
Həyatı[redaktə | mənbəni redaktə et]
Pərvin Əlizadə 1993-cü il sentyabrın 11-də Bərdə rayonunun Qazaxlar kəndində anadan olub.[1] Əslən Laçın rayonunun Minkənd kəndindən idi.
Pərvin Əlizadə Azərbaycan Dövlət Bədən Tərbiyəsi və İdman Akademiyasını bitirib. "Laçın Kikboksinq Klubu"nun idmançısı idi. Tbilisi şəhərində keçirilən yarışda Zaqafqaziya çempionu, dəfələrlə respublika çempionatının və birinciliklərinin mükafatçısı olmuşdur. Müxtəlif Fəxri fərmanlarla təltif olunub. İdman hakimi idi.
Ailəsi[redaktə | mənbəni redaktə et]
Nişanlı idi.
Ailənin 3 oğlan övladından biri, evin böyük oğlu olub.
Atası Birinci Qarabağ Savaşı döyüşlərində iştirak edib.
Hərbi xidməti[redaktə | mənbəni redaktə et]
Həqiqi hərbi xidmətini Fövqalədə Hallar nazirliyində keçib.
Azərbaycan Ordusunun leytenantı olan Pərvin Əlizadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan İkinci Qarabağ müharibəsi zamanı Tərtər rayonunun Suqovuşan qəsəbəsinin azadlığı uğrunda gedən döyüşlərdə savaşıb.
Pərvin Əlizadə 2020-ci il oktyabrın 20-də Ağdərə istiqamətindəki "Tülkü dərəsi" deyilən yerdə 703 saylı hərbi hissənin 5-ci bölüyünün 12-ci postunda şəhid olub.
Bərdə rayonunun Birinci Qazaxlar kəndində dəfn olunub.
Bərdə şəhərinin küçələrindən biri şəhidin adını daşıyır.[2]
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Pərvin Əlizadə ölümündən sonra "Vətən uğrunda" medalı ilə təltif edildi.[3]
Təltifləri[redaktə | mənbəni redaktə et]
(15.12.2020) — "Vətən uğrunda" medalı (ölümündən sonra)[4]
.svg){kind=small}
İstinadlar[redaktə | mənbəni redaktə et]
- ↑ "İkinci Qarabağ müharibəsində şəhid olan hərbi qulluqçuların siyahısı" (PDF). 08.12.2020. 2020-12-08 tarixində arxivləşdirilib (PDF). İstifadə tarixi: 08.12.2020.
- ↑ "Cənnətdəki ikinci doğum günü, 29 yaşı tamam olan, 3 medal və 1 ordenli-BƏRDƏLİ ŞƏHİD PƏRVİN VÜQAR OĞLU ƏLİZADƏ". 2022-11-27 tarixində arxivləşdirilib. İstifadə tarixi: 2022-11-27.
- ↑ "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.president.az (Azərbaycan Prezidentinin saytı). 15.12.2020. 2020-12-15 tarixində arxivləşdirilib. İstifadə tarixi: 15.12.2020.
- ↑ "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.e-qanun.az. 15.12.2020. 2021-01-16 tarixində arxivləşdirilib. İstifadə tarixi: 15.12.2020.
