Olimp tanrıları — Vikipediya

Olimplər
Olimp tanrıları
Mifologiya	Yunan
Yer	Olimp
Vikianbarda əlaqəli mediafayllar

Olimp tanrıları — yunan mifologiyasına əsasən Olimp dağında yaşayan əsas ilahi qüvvələr.

Kron və Reyanın uşaqları:

• Zevs
• Poseydon
• Aid
• Hestiya
• Demetra
• Hera

Yuxarıdakılardan törəyənlər:

• Afrodita
• Afina
• Apollon
• Artemida
• Ares
• Hefest
• Hermes
• Dionis

Yuxarıdakılardan törəyənlərdən törəyənlər:

• Asklepi

qızları:

• Higeya
• Panakeya
• İaso

Əsas olimpiyalılar[redaktə | mənbəni redaktə et]

Yunan adı	Roma adı	Heykəli	Haqqında məlumat	Nəsil
Zevs	Yupiter		Baş tanrı və Olimp dağının hakimi; səma və şimşək tanrısı. Titanlar Kron və Reyanın oğlu. Rəmzləri ildırım və qartaldır.	Birinci
Hera	Yunona		Baş ilahə. Evliliyin və analığın ilahəsi. Rəmzləri tovuzquşu və inəkdir. Kron və Reyanın qızı. Zevsin həyat yoldaşı və bacısı.	Birinci
Poseydon	Neptun		Dəniz tanrısı; dənizlərin, zəlzələlərin və atların allahı. Rəmzləri hippokamp və üçbaşlı əsadır. Kron və Reyanın oğlu, Zevsin və Aidin qardaşı.	Birinci
Demetra	Serera		Məhsuldarlığın, kənd təsərrüfatının, təbiətin və fəsillərin ilahəsi. Rəmzi lalədir. Kron və Reyanın qızı, Zevsin bacısı.	Birinci
Aid	Pluton		Yeraltı dünyanın, ölümün tanrısı. Rəmzləri Qaranlıq dəbilqəsi, ikibaşlı əsa və kəllə sümüyüdür. Kron və Reyanın oğlu. Zevsin və Poseydonun qardaşı.	Birinci
Hestiya	Vesta		Bakirə ilahə. Evin və ailə ocağının ilahəsi. Kron və Reyanın qızı, Zevsin bacısı.	Birinci
Afrodita	Venera		Sevgi, gözəllik və əyləncə ilahəsi. Zevsin və Dionanın qızıdır. Rəmzi göyərçin quşudur.	Birinci [A]
Apollon	Apollon		İşığın, həkimliyin, musiqinin, poeziyanın, öncəgörmələrin, oxatmanın və bütün incəsənət növlərinin tanrısı. Rəmzləri ox kamanı və liradır. Artemida onun əkiz bacısıdır. Zevsin və Letonun oğlu.	İkinci
Ares	Mars		Müharibə və qırğınlar tanrısı. Rəmzləri nizə və qalxandır. Zevs və Heranın oğlu.	İkinci
Artemida	Diana		Ovçuluq və Ay ilahəsi. Rəmzləri maral və ox kamanıdır. Apollonun əkiz bacısı, Zevs və Letonun qızı.	İkinci
Afina	Minerva		Müdrikliyin, peşələrin və döyüş strategiyasının ilahəsi. Rəmzləri zeytun ağacı və bayquşdur. Zevsin Metidadan olan qızı.	İkinci
Dionis	Baxus		Şərab, şənlik və ekstaz allahı. Rəmzi üzüm tənəyidir. Zevsin və adi insan Semelanın oğlu.	İkinci
Hefest	Vulkan		Tanrıların dəmirçisi; odun və dəmirçiliyin tanrısı. Zevs və Heranın oğlu.	İkinci
Hermes	Merkuri		Tanrıların qasidi; ticarətin və oğruların allahı. Rəmzləri kadusey və qanadlı səndəllərdir. Zevsin və nimfa Mayanın oğlu.	İkinci

Həmçinin bax[redaktə | mənbəni redaktə et]