Nurəddin İbrahimov — Vikipediya

Nurəddin İbrahimov
Nurəddin İslam oğlu İbrahimov
Şəxsi məlumatlar
Doğum tarixi	16 mart 1951(1951-03-16)
Doğum yeri	Buzovna, Artyom rayonu, Bakı, Azərbaycan SSR, SSRİ
Vəfat tarixi	10 fevral 1995(1995-02-10) (43 yaşında)
Vəfat yeri	Binə, Əzizbəyov rayonu, Bakı, Azərbaycan
Vəfat səbəbi	Qətlə yetirilmişdir
Dəfn yeri	Bakı
Vətəndaşlığı	SSRİ→ Azərbaycan
Hərbi fəaliyyəti
Təltifləri

Nurəddin İslam oğlu İbrahimov (16 mart 1951, Buzovna – 10 fevral 1995, Binə) — Azərbaycanın Milli Qəhrəmanı.

Həyatı[redaktə | mənbəni redaktə et]

İbrahimov Nurəddin İslam oğlu 1951-ci il mart ayının 16-da Bakı şəhərində doğulmuşdur. 1969-cu ildə burada 125 saylı orta məktəbi bitirmişdir. 1970-ci ildə ordu sıralarına çağırılmışdır. 1978-ci ildə Rusiyanın İrkutsk şəhərinin milis idarəsində işə qəbul olunmuşdur. 1988-ci ildə burada İrkutsk şəhər cinayət axtarış şöbəsinin rəisi vəzifəsinə təyin edilmişdir. Azərbaycanda baş verən hadisələrə biganə qalmayan Nurəddin 1990-cı ildə Bakıya gəlmiş, sonra isə Laçın rayon milis idarəsində sahə müvəkkili işləməyə başlamışdır.

Döyüşlərdə iştirakı[redaktə | mənbəni redaktə et]

O, Qarabağ uğrunda gedən döyüşlərdə fəal iştirak etmiş, bu döyüşlərin birində ağır yaralanmışdır. Müalicə olunandan sonra Bakının Əzizbəyov rayonunun polis idarəsində işini davam etdirmişdir. Buna baxmayaraq o, yenə də tez-tez cəbhəyə yollanmış, qızğın döyüşlərə girmişdir. 1993-cü ildə Kosalar kəndi və Cəbrayıl rayonları uğrunda gedən döyüşlərdə əsl qəhrəmanlıq göstərmiş və mayor rütbəsi almışdır. Nurəddin 10 fevral 1995-ci il Binə qəsəbəsindəki cinayətkar dəstənin zərərsizləşdirilməsi zamanı xüsusi fərqlənmiş və qəhrəmancasına həlak olmuşdur.

Ailəsi[redaktə | mənbəni redaktə et]

Aliləli idi, bir övladı var.

Milli Qəhrəman[redaktə | mənbəni redaktə et]

Azərbaycan Respublikası prezidentinin 26 dekabr 1995-ci il tarixli 424 saylı fərmanı ilə ölümündən sonra "Azərbaycan Milli Qəhrəmanı" adına layiq görülmüşdür.

Bakı şəhərinin Buzovna qəsəbəsinin qəbristanlığında dəfn edilmişdir. Buzovna qəsəbəsində onun adına küçə var. Buradakı Mədəniyyət evi də onun adını daşıyır. Qəsəbədə büstü qoyulub.

Mənbə[redaktə | mənbəni redaktə et]

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 136.

Həmçinin bax[redaktə | mənbəni redaktə et]

• Qarabağ
• Erməni terrorizmi

Xarici keçidlər[redaktə | mənbəni redaktə et]

• Vətən uğrunda
• [1] ^{[ölü keçid]}
• [2] Arxivləşdirilib 2008-02-26 at the Wayback Machine