Netta Barzilay — Vikipediya

Netta Barzilay
ivr. ‏נטע ברזילי‏‎
Ümumi məlumatlar
Doğum adı נטע ברזילי
Ləqəbi נטע
Doğum tarixi 22 yanvar 1993(1993-01-22)[1] (31 yaş)
Doğum yeri Hod-ha-Şaron, İsrail
Vətəndaşlığı  İsrail
Musiqiçi məlumatları
Fəaliyyəti müğənni
Fəaliyyət illəri 2017–h.h.
Janr
Musiqi alətləri vokal, gitara, sintezator
nettamusic.com
Vikianbarın loqosu Vikianbarda əlaqəli mediafayllar

Netta Barzilay (ivr. ‏נטע ברזילי‏‎; d. 22 yanvar 1993, Hod-ha-Şaron, İsrail) — İsrail müğənnisi. O, "Toy" mahnısı ilə İsraili 2018 Avroviziya Mahnı Müsabiqəsində təmsil etmiş və ölkəsinə müsabiqədəki dördüncü qələbəsini yaşatmışdır.

Həyatı[redaktə | mənbəni redaktə et]

Netta Barzilay 22 yanvar 1993-cü ildə İsrailin Hod-ha-Şaron şəhərində anadan olmuşdur. Atasının mühəndis kimi fəaliyyət göstərdiyi Solel Boneh kompaniyasındakı yeni layihəsinə görə Netta uşaq yaşlarında ikən ailəsi ilə birlikdə Nigeriyaya köçmüş və orada dörd il yaşadıqdan sonra İsrailə geri dönmüşdür. İsrail Silahlı Qüvvələrində məcburi xidmətdən öncə Barzilay könüllü olaraq Nahalda xidmət göstərmiş və daha sonra İsrail Dəniz Qüvvələrində hərbi xidmətini başa vurmuşdur.

Karyera[redaktə | mənbəni redaktə et]

2017–hal-hazırda: Avroviziya Mahnı Müsabiqəsi[redaktə | mənbəni redaktə et]

2017-ci ildə Netta Barzilay İsrailin IPBC telekanalının Avroviziya üçün təşkil etdiyi HaKokhav HaBa 2018 adlı milli seçim turunda iştirak etmişdir. Uzun sürən seçim turlarında Brazilay Rihanna, Kristina Agilera, Keşa və digər dünya ulduzlarının mahnıları ilə çıxış etmişdir. Nəticədə yarışmada qalib gələrək, Netta Barzilay İsraili Portuqaliyanın paytaxtı Lissabonda keçirilən Avroviziya 2018-də təmsil etmək hüququ qazanmışdır.[2][3][4][5] Onun Avroviziya səhnəsində ifa edəcəyi mahnı "Toy" 11 martda təqdim olunmuşdur.

Müsabiqə üçün uzun sürən hazırlıqlardan sonra Netta 8 may tarixində baş tutan müsabiqənin birinci yarımfinal mərhələsində 7-ci nömrə altında səhnə almışdır. Nəticədə ifaçı 283 xalla yarımfinalda birincilik əldə etmiş və Avroviziya 2018-in finalına yüksəlməyə nail olmuşdur. Finalda mahnısını bir daha ifa edən Netta ümumi nəticədə 529 xal toplayaraq, İsrailə Avroviziya tarixində dördüncü qələbə sevincini yaşatmışdır.

2019-cu ildə ifaçı Fransa və Böyük Britaniyanın Avroviziya milli seçim turlarında çıxış etmişdir. Fevral ayının 2-də Nettanın "Bassa Sababa" adlı ikinci sinqlı təqdim olunmuşdur.

Diskoqrafiya[redaktə | mənbəni redaktə et]

Sinqllar[redaktə | mənbəni redaktə et]

Mahnı adı İl
"Toy" 2018
"Bassa Sababa" 2019

İstinadlar[redaktə | mənbəni redaktə et]

  1. ↑ https://www.allmusic.com/artist/netta-mn0003746219/biography.
  2. ↑ "Netta Barzilai to represent Israel in Lisbon!". Eurovision.tv. 13 fevral 2018. 2018-02-14 tarixində arxivləşdirilib. İstifadə tarixi: 2018-02-14.
  3. ↑ "Israel: Netta Barzilai wins "The Next Star for Eurovision 2018"". Wiwibloggs. 13 fevral 2018. 2018-04-08 tarixində arxivləşdirilib. İstifadə tarixi: 2018-02-14.
  4. ↑ "Israel: Netta Barzilai to Eurovision 2018". Eurovoix. 13 fevral 2018. 2018-02-15 tarixində arxivləşdirilib. İstifadə tarixi: 2018-02-14.
  5. ↑ "Israel: Netta Barzilai wins The Next Star 2018 and goes to Lisbon!". ESCToday. 13 fevral 2018. 2018-02-14 tarixində arxivləşdirilib. İstifadə tarixi: 2018-02-14.
Əvvəlki:
İmri Ziv
"I Feel Alive" 		İsrail Avroviziya Mahnı Müsabiqəsində

2018 		Sonrakı:
Kobi Marimi
"Home"

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Netta_Barzilay&oldid=7429188"