Mahmud və Məryəm (film) — Vikipediya

Mahmud və Məryəm
türk. Mahmut ile Meryem
Janr	tarixi film, dram filmi
Rejissor	Mehmet Ada Öztekin
Prodüserlər	Müşfiq Hətəmov, Sevda Kaygısız
Əsərin müəllifi	Elçin Əfəndiyev
Baş rollarda	Araz Bulud İynəmli Yeva Dedova
İstehsalçılar	“Salnamə” 24 Kare
İlk baxış tarixi	22 mart 2013 Türkiyə 26 sentyabr 2013 Azərbaycan
Filmin digər adı	Mahmud ilə Məryəm
Müddət	120 dəqiqə
Büdcə	₺15 milyon
Ölkələr	Azərbaycan Türkiyə
Dil	Azərbaycanca
İl	2013
IMDb	ID2736928

Mahmud və Məryəm — Azərbaycan və Türkiyə kinematoqrafçılarının Elçinin eyniadlı romanı əsasında^[1] 2013-cü ildə müştərək çəkdikləri film.^[2]

Film müsəlman Mahmud ilə xristian Məryəmin mümkünsüz görünən məhəbbəti haqqındadır. Filmdəki hadisələr 1500-cü illərdə baş verir. Mahmud Gəncə xanı Ziyad xanın oğlu, Məryəm isə xristian keşişinin qızıdır. Gənclərin məhəbbəti Ziyad xan və keşiş tərəfindən yaxşı qarşılanmır. Keşiş Məryəmi götürüb uzaqlara qaçır. Ziyad xanın etirazlarına baxmayaraq, Mahmud Məryəmin dalınca gedir. Yolda Mahmud Çaldıran döyüşünün baş verdiyi düzənliyə çatır və gördüklərindən çox təsirlənir. Süleyman Paşanın köməyi ilə Məryəmi tapsa da, filmin sonunda hər iki aşiq əfsanəvi şəkildə dünyalarını dəyişir.

Filmi Azərbaycanın “Salnamə” və Türkiyənin 24 Kare şirkətləri müştərək çəkiblər.

Filmdə baş rolları Aras Bulut İynemli və rus əsilli Yeva Dedova paylaşıb. Filmin çəkilişləri təxminən on həftə davam edib. İlk on bir günlük çəkilişlər Azərbaycanın Şəki, Qax, Bakı şəhərlərində aparılıb. Film 22 mart 2013-cü ildə Türkiyədə^[3], 26 sentyabr 2013-cü ildə isə Azərbaycanda nümayişə girib.^[4] Türkiyədə keçirilən qala gecəsində əsərin müəllifi Elçin də iştirak edib. Film həmçinin 2015-ci ildə Xorvatiyanın paytaxtı Zaqrebdə keçirilən 4-cü Türk Filmləri Həftəsində də nümayiş olunub.

“Mahmud və Məryəm” filminin rejissoru Mehmet Ada Öztekindir.^[5] “Mahmud və Məryəm” filminin prodüseri Sevda Qayğısızdır.^[6]

• Aras Bulud İynemli - Mahmud
• Yeva Dedova - Məryəm
• Fəxrəddin Manafov - Ziyad xan
• Məlahət Abbasova - Qəmər Banu
• Mehmet Çevik - Keşiş
• Polad Bilgin - Sofu
• Şamil Süleymanov - Mirzə Salman
• İlkər Kızmaz - Süleyman Paşa
• Kristina Krepela - Ceylan
• Tomris İncər - Qısır qadın
• Şafak Başqaya - Bayındır
• Ufuk Şen - Olcaytu
• Həsən Qaçan
• Cemal Hünal
• Ramiz Məlikov
• Ali İl
• Asena Tuğal
• Mert Öcal
• Açelya Özcan
• Volkan Özler - Təcavüzkar Əsgər

• İsayeva, R. “Mahmud və Məryəm” kinodastan olacaq: Azərbaycan və Türkiyə kinematoqrafçıları məşhur romana ekran həyatı verəcəklər: [Xalq yazıçısı Elçinin “Mahmud və Məryəm” romanı əsasında quruluşçu rejissor Mehmet Ada Öztekinin ekranlaşdıracağı eyniadlı filmin çəkiliş qrupu “Nizami” Kino Mərkəzində mətbuat konfransı keçirmişdir] //Mədəniyyət.-2012.- 20 iyul.- S. 8.

Azərbaycan filmlərinin siyahısı
Türkiyə filmlərinin siyahısı

Filmi izlə