Kənan Hacıyev (əsgər) — Vikipediya

Hacıyev Kənan
Hacıyev Kənan
	Kənan İmran oğlu Hacıyev
Şəxsi məlumatlar
Doğum tarixi	17 noyabr 2001
Doğum yeri	Anbuba, Astara rayonu, Azərbaycan
Vəfat tarixi	6 oktyabr 2020 (18 yaşında)
Vəfat yeri	Füzuli rayonu, Azərbaycan
Dəfn yeri	Anbuba
Vətəndaşlığı	Azərbaycan
Atası	İmran Hacıyev
Anası	Fərqanə Muradova
Hərbi fəaliyyəti
Mənsubiyyəti	Azərbaycan Ordusu
Qoşun növü	Azərbaycan Quru Qoşunları
Xidmət illəri	2020
Rütbəsi	Əsgər
Döyüşlər	İkinci Qarabağ müharibəsi ; • Füzulinin azad edilməsi ; • Hadrutun azad edilməsi
Təltifləri

Kənan İmran oğlu Hacıyev (17 noyabr 2001, Anbuba, Astara rayonu – 6 oktyabr 2020, Füzuli rayonu) — Azərbaycan Silahlı Qüvvələrinin əsgəri, İkinci Qarabağ müharibəsi şəhidi.

Həyatı[redaktə | mənbəni redaktə et]

Kənan Hacıyev 2001-ci il noyabrın 17-də Astara rayonunun Motalayataq kənd inzibati ərazi dairəsi olan Anbuba kəndində anadan olub.^[1] 2008-2019-cu illərdə S.Qurbanov adına Motlayataq kənd tam orta məktəbində təhsil alıb. 2019-cu ildə Bakı Biznes və Kooperasiya kollecinə daxil olub. Subay idi.

Hərbi xidməti[redaktə | mənbəni redaktə et]

Kənan Hacıyev 2020-ci ildə müddətli həqiqi hərbi xidmətə çağırılıb.

İkinci Qarabağ müharibəsinə qədər Azərbaycan Silahlı Qüvvələrinin “N” saylı hərbi hissəsində xidmət edirdi.

İkinci Qarabağ müharibəsində iştirakı[redaktə | mənbəni redaktə et]

Azərbaycan Silahlı Qüvvələrinin əsgəri olan Kənan Hacıyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan İkinci Qarabağ müharibəsi zamanı Füzuli və Xocavəndin azadlığı uğrunda gedən döyüşlərdə iştirak edib.

Oktyabrın 6-da Füzulinin azad edilməsi zamanı şəhid olub. Nəşi uzun müddət tapıla bilməyib. Noyabrın 9-da Kənan Hacıyevin şəhid olma xəbəri təsdiqlənib. Astara rayonunun Anbuba kəndində torpağa tapşırılıb.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Kənan Hacıyev ölümündən sonra "Vətən uğrunda" medalı ilə təltif edildi.^[2]

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Kənan Hacıyev ölümündən sonra "Füzulinin azad olunmasına görə" medalı ilə təltif edildi.^[3]

Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Kənan Hacıyev ölümündən sonra "Xocavəndin azad olunmasına görə" medalı ilə təltif edildi.^[4]