Fyodor Buslayev — Vikipediya

Fyodor Buslayev
rus. Фёдор Ива́нович Бусла́ев
Fyodor Buslayev
Doğum tarixi	25 aprel 1818
Doğum yeri	Vadinsk kəndi, Penza
Vəfat tarixi	12 avqust 1897 (79 yaşında)
Vəfat yeri	Lublino qəsəbəsi, Moskva
Təhsili	M.V.Lomonosov adına Moskva Dövlət Universiteti
Fəaliyyəti	filoloq
Üzvlüyü	Peterburq Elmlər Akademiyası, Serbiya Elmlər və İncəsənət Akademiyası[d]
Vikianbarda əlaqəli mediafayllar

Fyodor İvanoviç Buslayev (rus. Фёдор Ива́нович Бусла́ев) (25.4.1818, Penza vilayətinin indiki Vadinsk kəndi –12.8.1897, Moskva ətrafındakı Lublino qəsəbəsi) — rus filoloqu və incəsənət tarixçisi. Peterburq Elmlər Akademiyasının akademiki (1860).^[1]

Həyatı[redaktə | mənbəni redaktə et]

Moskva Universitetini bitirmiş (1838), həmin Universitetdə professor (1859–81), rus ədəbiyyatı kafedrasının müdiri işləmişdir. Rus dilinin tarixi, qədim rus ədəbiyyatı, şifahi xalq yaradıcılığına dair əsərlərin müəllifidir. Rus dilinin tədqiqində müqayisəli-tarixi metodun tərəfdarı kimi çıxış etmişdir.^[1]

Fəaliyyəti[redaktə | mənbəni redaktə et]

Qədim rus və slavyan əlyazmalarının filoloji tədqiqatını aparmış və onları nəşr etdirmişdir. Buslayev 1840–60-cı illərdə yazdığı elmi əsərlərində rus mifoloji məktəbinin ən görkəmli nümayəndəsi kimi mifdə xalq yaradıcılığının dərin köklərini görmüş, onun linqvistik bərpasına çalışmışdır ("Rus xalq ədəbiyyatı və incəsənətinin tarixi oçerkləri". ).^[1]

1870-ci illərdə bu baxışlardan uzaqlaşmış və alman sanskritoloqu T. Benfeyin ideyalarına əsaslanaraq Avropanın bir sıra folklor süjetinin Şərqdən qaynaqlandığını göstərmişdir ("Səyyah povestlər və hekayələr", 1874). Rus və Qərbi Avropa rəngkarlığı, ikonoqrafiyası, miniatür və ornament sənətinin tarixinə dair tədqiqatların müəllifidir.^[1]

Həmçinin bax[redaktə | mənbəni redaktə et]

• M.V.Lomonosov adına Moskva Dövlət Universiteti

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]

• Rus fonetikası, Fyodor Buslayev