Firudin Nəbiyev — Vikipediya

Firudin Nəbiyev
Firudin Nəbiyev
	Firudin Hilal oğlu Nəbiyev
Azərbaycan Respublikasının Dövlət Miqrasiya Xidmətinin rəisi
	13 fevral 2012 – 23 aprel 2018
Əvvəlki	Arzu Rəhimov
Sonrakı	Vüsal Hüseynov
Şəxsi məlumatlar
Doğum tarixi	4 avqust 1960
Doğum yeri	Ermənistan SSR, SSRİ;
Vəfat tarixi	3 avqust 2020 (59 yaşında)
Vəfat yeri	Türkiyə;
Təhsili	Bakı Dövlət Universitetinin Hüquq fakültəsi;
Atası	Hilal Nəbiyev
Uşağı	2 övladı var
Rütbəsi	; II dərəcəli dövlət miqrasiya xidməti müşaviri
Təltifləri

Firudin Nəbiyev (4 avqust 1960, Ermənistan SSR – 3 avqust 2020, Türkiyə) — Azərbaycan Respublikasının Dövlət Miqrasiya Xidmətinin sabiq rəisi, II dərəcəli dövlət miqrasiya xidməti müşaviri^[1].

Həyatı[redaktə | mənbəni redaktə et]

Firudin Hilal oğlu Nəbiyev 4 avqust 1960-cı ildə Ermənistan SSR-in Dərələyəz mahalında anadan olmuşdur. 1988-ci ildə İvanov şəhər Kimya Texnologiya İnstitutunu, 2009-cu ildə Bakı Dövlət Universitetinin hüquq fakültəsini bitirmişdir.

1988-ci ilin avqust ayından Azərbaycan Respublikasının Yüngül Sənaye Nazirliyinin müəssisələrində müxtəlif vəzifələrdə çalışmışdır.

24 sentyabr 2001-ci il tarixdə Azərbaycan Respublikası Milli Təhlükəsizlik Nazirliyinin Sərhəd Qoşunları Baş İdarəsinin rəis müavini vəzifəsinə təyin edilmişdir.

Azərbaycan Respublikası Prezidentinin 1 iyul 2003-cü il tarixli, 1286 nömrəli Sərəncamı ilə Azərbaycan Respublikasının Dövlət Sərhəd Xidməti rəisinin maddi-texniki təminat üzrə müavini — Maddi-Texniki Təminat İdarəsinin rəisi vəzifəsinə təyin edilmişdir^[2].

Azərbaycan Respublikası Prezidentinin 15 avqust 2006-cı il tarixli, 1613 nömrəli Sərəncamı ilə ona General-mayor hərbi rütbəsi verilmişdir^[3].

16 yanvar 2008-ci il tarixdə Azərbaycan Respublikası Prezidentinin 2627 saylı Sərəncamı ilə Dövlət Sərhəd Xidməti rəisinin 1-ci müavini –Sərhəd Qoşunlarının Baş Qərargah rəisi vəzifəsinə təyin edilmişdir.

Azərbaycan Respublikası Prezidentinin 13 fevral 2012-ci il tarixli, 2050 nömrəli Sərəncamı ilə Azərbaycan Respublikasının Dövlət Miqrasiya Xidmətinin rəisi təyin edilmişdir^[4].

Azərbaycan Respublikası Prezidentinin 6 mart 2012-ci il tarixli 2078 saylı Sərəncamı ilə III dərəcəli dövlət miqrasiya xidməti müşaviri ali xüsusi rütbəsi verilmişdir.

Ailəlidir, iki övladı var.

Mükafatları[redaktə | mənbəni redaktə et]

Xidmət etdiyi dövrdə 6 medal^{[mənbə göstərin]}, 2 orden – Azərbaycan Respublikası Prezidentinin müvafiq Sərəncamları ilə III dərəcəli "Vətənə xidmətə görə" və "Azərbaycan bayrağı" ordenləri ilə təltif olunmuşdur.