Fateh Təkkə — Vikipediya

Fateh Təkkə
Fateh Təkkə
	türk. Fatih Tekke
Ümumi məlumatlar
Ləqəbi	Sultan
Doğum tarixi	9 sentyabr 1977 (46 yaş)
Doğum yeri	Körpübaşı, Trabzon ili, Türkiyə
Vətəndaşlığı	Türkiyə
Boyu	178
Çəkisi	75 kq
Mövqeyi	Hücumçu
Klub haqqında məlumat
Klub	İstanbulspor
Vəzifəsi	Baş məşqçi
Karyerası
Klub karyerası
Milli yığma
Məşqçisi olduğu klublar
2015	Türkiyə U-17
2015	Kayseri Ərciyəsspor
2016	Boluspor
2017–2018	Manisaspor
2018	Dənizlispor
2018–2019	İstanbulspor
2020–…	İstanbulspor
	↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. ; ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı. ;
	Vikianbarda əlaqəli mediafayllar

Fateh Təkkə (d. 9 sentyabr 1977, Körpübaşı, Trabzon) — Fateh Sultan ləqəbi ilə də məşhur olan Türkiyəli məşqçi və keçmiş futbolçu. Hal-hazırda ölkəsində İstanbulspor klubunun baş məşqçisidir.

Klub karyerası[redaktə | mənbəni redaktə et]

Türkiyə karyerası[redaktə | mənbəni redaktə et]

Fateh Trabzon əyalətindəki kiçik Körpübaşı şəhərində anadan olub. 1994-cü ildə bölgənin əsas komandası olan Trabzonspora qatıldı. İlk komandada meydana çıxmağa başlayanda hələ yeniyetmə idi. 1994-1997 illəri arasında oynadığı 45 matçda 6 qol vurdu. 1997-1998 mövsümünün əvvəlində 24 matçda 8 qol vurduğu İzmirin Altay klubuna icarəyə verildi. Qalatasaraya 4-5 hesabı ilə məğlub olduqları oyunda het-trik etdi. Ancaq bir neçə həftə sonra oynana matçda ayağı sınan Fateh altı ay yaşıl meydanlardan kənarda qaldı. Trabzonspora qayıtdıqdan sonra Təkkə 2000-ci ilin yayında Qaziantepspora transfer olunmadan əvvəl 38 oyun keçirdi və 6 qol vurdu. Elə bu dövrdə o, ilk dəfə Türkiyə milli futbol komandasının heyətinə çağırıldı.

2002-ci ildə Təkkə yenidən Trabzonspora qayıtdı və kapitanlıq sarğısı ona verildi. Bu karyerasının zirvəsinə çatdığı vaxtlar idi. 2004-05 mövsümündə o, 31 qolla liqanın ən çox qol vuran oyunçusundan 7 qol qabaqda və Qızıl Buts mükafatı uğrunda ikinci oldu. Trabzonsporla birgə ardıcıl iki mövsüm Türkiyə kubokunu qazandı.

Rusiya karyerası[redaktə | mənbəni redaktə et]

2006-cı ilin iyul ayında Sankt-Peterburqun Zenit klubu ilə müqavilə bağladı. 6 Avqust 2006-cı ildə Şinnik Yaroslavlla oyunda debüt edən Təkkə klubdakı ilk oyununda komandası 1-0 hesabı ilə qalib gələrkən komandasının yeganə qolunu vurdu. UEFA Kubokunun qrup mərhələsində Larissa komandasını 3-2 hesabı ilə məğlub etdikləri oyunda da komandasının qələbə qolunu vurdu. 2008-ci ildə UEFA kubokunun finalında Qlazqo Reyncers üzərində qazanılan qələbədə ikinci qolun ötürməsini verdi. 21 oktyabr 2008-ci ildə Fateh UEFA Çempionlar Liqasında BATE Borisovla 1-1 hesablı heç-heçədə də fərqləndi. 3 Fevral 2010-cu ildə Təkkə Rubin Kazan ilə üç illik müqavilə imzaladı. Beşiktaşa keçərək Türkiyəyə qayıtmaq qərarına gəlməzdən əvvəl yalnız beş oyun keçirdi.

Türkiyəyə qayıdışı[redaktə | mənbəni redaktə et]

1 sentyabr 2010-cu ildə Təkkə Beşiktaşla iki illik müqavilə imzaladı. Ancaq 2010-11 transfer pəncərəsində Ankaragücünə göndərilməmişdən əvvəl cəmi iki oyun oynaya bildi. Burda da çıxış etdiyi 5 qarşılaşmada üç qol vurdu. 2011-ci ilin yay transfer mövsümünün tanıtımında Orduspor Təkkəni Ankaragücüdən satın aldıqlarını açıqladı. Ona burda 23 nömrəli forma və kapitanlıq sarğısı verildi. Bu klubda da futbolçu karyerasını bitirdikdən sonra məşqçiliyə başladı.

Beynəlxalq karyerası[redaktə | mənbəni redaktə et]

Fateh müxtəlif vaxtlarda Türkiyə U-15, Türkiyə U-16, Türkiyə U-17, Türkiyə U-18, Türkiyə U-21 yığmalarında, 1998-2007-ci illərdə isə əsas komandada - Türkiyə milli futbol komandasının heyətində çıxış etmişdir. Türkiyə U-16 komandası ilə 1994-cü ildə keçirilən Futbol üzrə 17 yaşadək Avropa Çempionatında qalib olmuşdur. Əsas millidə isə 25 oyunda 9 dəfə fərqləndi.

Karyera statistikası[redaktə | mənbəni redaktə et]

Türkiyə milli futbol komandasının heyətində vurduğu qollar[redaktə | mənbəni redaktə et]

#	Tarix	Məkan	Rəqib	Hesab	Nəticə	Turnir
1.	4 Sentyabr 2004	Hüseyn Avni Aker stadionu, Trabzon, Türkiyə	Gürcüstan	1–0	1–1	2006 FİFA Dünya Kubokunun seçmə mərhələsi
2.	9 Oktyabr 2004	Şükrü Saracoğlu stadionu, İstanbul, Türkiyə	Qazaxıstan	3–0	4–0	2006 FİFA Dünya Kubokunun seçmə mərhələsi
3.	9 Oktyabr 2004	Şükrü Saracoğlu stadionu, İstanbul, Türkiyə	Qazaxıstan	4–0	4–0	2006 FİFA Dünya Kubokunun seçmə mərhələsi
4.	30 Mart 2005	Mixail Mesxi adına stadion, Tbilisi, Gürcüstan	Gürcüstan	1–2	2–5	2006 FİFA Dünya Kubokunun seçmə mərhələsi
5.	30 Mart 2005	Mixail Mesxi adına stadion, Tbilisi, Gürcüstan	Gürcüstan	1–3	2–5	2006 FİFA Dünya Kubokunun seçmə mərhələsi
6.	8 İyun 2005	Almatı Mərkəzi stadionu, Almatı, Qazaxıstan	Qazaxıstan	0–1	0–6	2006 FİFA Dünya Kubokunun seçmə mərhələsi
7.	8 İyun 2005	Almatı Mərkəzi stadionu, Almatı, Qazaxıstan	Qazaxıstan	0–4	0–6	2006 FİFA Dünya Kubokunun seçmə mərhələsi
8.	17 Avqust 2005	Vasil Levski Milli stadionu, Sofiya, Bolqarıstan	Bolqarıstan	0–1	3–1	Yoldaşlıq oyunu
9.	16 Avqust 2006	Jozi Bartel stadionu, Lüksemburq, Lüksemburq	Lüksemburq	0–1	0–1	Yoldaşlıq oyunu