Faiq Rəfiyev — Vikipediya

Bu məqalədə bəzi məlumatlarının mənbəsi göstərilməmişdir. Daha ətraflı məlumat üçün məqalənin müzakirə səhifəsinə baxa və məqaləyə uyğun formada mənbələr əlavə edib Vikipediyanı zənginləşdirə bilərsiniz.

Faiq Rəfiyev
Faiq Qəzənfər oğlu Rəfiyev
Şəxsi məlumatlar
Doğum tarixi	22 fevral 1955(1955-02-22)
Doğum yeri	Qaryagin, Qaryagin rayonu, Azərbaycan SSR, SSRİ
Vəfat tarixi	10 yanvar 1992(1992-01-10) (36 yaşında)
Vəfat səbəbi	Şəhid
Dəfn yeri	Füzuli rayonu
Hərbi fəaliyyəti
Rütbəsi	Baş leytenant
Döyüşlər	Birinci Qarabağ müharibəsi
Təltifləri

Faiq Rəfiyev (22 fevral 1955, Qaryagin – 10 yanvar 1992) — Azərbaycanın Milli Qəhrəmanı, Birinci Qarabağ müharibəsi şəhidi.

Həyatı[redaktə | mənbəni redaktə et]

Faiq Rəfiyev 22 fevral 1955-ci il Füzuli rayonunun Saracıq kəndində anadan olmuşdur. 1972-ci ildə Qarakollu kənd məktəbini bitirmişdir. 1973-1975-ci illərdə Rusiyanın Arxangelsk vilayətində hərbi xidmətdə olmuşdur. Ordudan tərxis olunduqdan sonra Arxangelsk vilayətinin Plisetsk rayonunda milis sistemində çalışmışmağa başlamışdır. İşlədiyi dövrdə Sankt-Peterburq şəhərindəki Ali Hərbi Milis Məktəbinin qiyabi şöbəsində təhsil almışdır. 1984-cü ildə təhsilini uğurla başa vurmuş və leytenant rütbəsi alaraq həmin rayonda sahə müvəkkili kimi xidmət etmişdir. Qara Yanvar hadisələrindən sonra Azərbaycana qayıdaraq DİN-ə müraciət etmiş və təcrübəsi nəzərə alınaraq Xocavənd rayonuna sahə müvəkkili təyin olunmuşdur.

Ailəsi[redaktə | mənbəni redaktə et]

Ailəli idi, iki övladı qalıb.

Döyüşlərdə iştirakı[redaktə | mənbəni redaktə et]

Birinci Qarabağ müharibəsində zabit kimi iştirak edən Faiq Rəfiyev xüsusilə, Axullu, Tuğ, Qaradağlı kəndlərinin qorunması üçün gedən döyüşlərdə şücaət göstərmişdir. 10 yanvar 1992-ci ildə Koçbəy kəndinin erməni silahlılarından təmizlənməsi üçün baş tutan əməliyyat zamanı şəhid olmuşdur.

Doğulduğu Saracıq kəndində dəfn edilmişdir.

Təltif və mükafatları[redaktə | mənbəni redaktə et]

• Azərbaycan Respublikası prezidentinin 8 oktyabr 1992-ci il tarixli 264 saylı fərmanı ilə Rəfiyev Faiq Qəzənfər oğlu ölümündən sonra "Azərbaycanın Milli Qəhrəmanı" adına layiq görülmüşdür.

İrsi[redaktə | mənbəni redaktə et]

Lökbatan qəsəbəsindəki 166 saylı lisey-məktəb Faiq Rəfiyevin adını daşıyır.

Həmçinin bax[redaktə | mənbəni redaktə et]

• Qarabağ müharibəsi

Ədəbiyyat[redaktə | mənbəni redaktə et]

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 240.

İstinadlar[redaktə | mənbəni redaktə et]