Fətulla Hüseynov — Vikipediya

Fətulla Hüseynov
Fətulla Əli oğlu Hüseynov
Ləqəbi Qara Polkovnik[1]
Doğum tarixi
Doğum yeri Tovuz, Azərbaycan SSR, SSRİ
Vəfat tarixi (66 yaşında)
Vəfat yeri Bakı, Azərbaycan
Vəfat səbəbi qətlə yetirilib[1]
Uşaqları Tahir Hüseynov
Adil Hüseynov
Atası Əli Hüseynov
Milliyyəti Azərbaycanlı
Fəaliyyəti Azərbaycan Daxili İşlər Nazirliyi polis polkunun komandiri

Fətulla Əli oğlu Hüseynov (21 dekabr 1937, Traubenfeld – 14 iyun 2004, Bakı) — Azərbaycan Respublikası Daxili İşlər Nazirliyi polis polkunun komandiri, polkovnik.[1]

Fətulla Hüseynov Azərbaycan Silahlı Qüvvələrinin 1994-cü il qış kampaniyasında keçirdiyi ən uğurlu əməliyyatı olan Horadiz əməliyyatının rəhbərlərindən biri olmuşdur.[1]

Həyatı[redaktə | mənbəni redaktə et]

Erkən illəri[redaktə | mənbəni redaktə et]

Fətulla Əli oğlu Hüseynov 1937-ci ildə Tovuz rayonunda anadan olub. Azərbaycan Texniki Universitetinin avtomobil-tikinti fakültəsini və Bakı Dövlət Universitetinin hüquq fakultəsini bitirib. Sonra O, SSR-nin Daxili İşlər nazirliyinin Yüksək Akademik kurslarını bitirir. 1960-90-cı illərdə Respublika yol polisinin rəis müavini və Bakı şəhər yol polisi idarəsinin rəisi vəzifəsində çalışıb. Bundan əlavə Fətulla Hüseynov Azərbaycanın baş yanğınsöndürmə idarəsinin rəis müavini, DİN–in polis polkunun komandiri və s. vəzifələrdə çalışıb.

Qarabağ müharibəsində iştirakı[redaktə | mənbəni redaktə et]

1993-cü ildə Qarabağ Azadlıq Təşkilatının üzvü olub.[2] Fətulla Hüseynov 1993-cü il dekabrından başlamış 6 yanvar tarixinə kimi davam edən Horadiz əməliyyatına rəhbərlik edib.[3] Horadiz əməliyyatı Azərbaycan Milli Ordusunun 1994-cü il qış kampaniyasında keçirdiyi ən uğurlu əməliyyat olub. Horadiz əməliyyatında iştirak edən 702-ci briqada 5 yanvar tarixində bir gün ərzində qənimət olaraq 3 tank, 1 ədəd "Şturm-S", 6 ədəd top, 6 ədəd top qoşqusu, 10-a yaxın nəqliyyat vasitəsi, çoxlu sayda silah və sursat götürüb. Düşmən ağır itkilər verərək cəsədlərini döyüş meydanında qoyaraq geri çəkilib.

Fətulla Hüseynov Qarabağ münaqişəsinin hərb yolu ilə həllinin tərəfdarlarından olub.

Siyasi fəaliyyəti[redaktə | mənbəni redaktə et]

Fətulla Hüseynov 1995-ci ildə Rövşən Cavadovun xüsusi təyinatlı dəstəsinin qiyamının yatırılması ilə bağlı DİN-dən istefa verib.[mənbə göstərin]

İctimai fəaliyyəti[redaktə | mənbəni redaktə et]

Mətbuat konfransı. (soldan sağa): AFFA-nın baş katibi Fuad Əsədov, prezident Ramiz Mirzəyev, I vitse-prezident Rauf Əliyev, vitse-prezident Fətulla Hüseynov, 30 dekabr 2003

1992-ci ildə Fətulla Hüseynov AFFA-nın nizam-intizam komitəsinin sədri oldu. O, 1996-cı ildən 2001-ci ilədək AFFA-nın viste-prezidenti vəzifəsində işləyib. UEFA-nın Azərbaycanda futbol oyunlarının keçirilməsi üzrə nümayəndəsi olub.

Ölümü[redaktə | mənbəni redaktə et]

Fətulla Hüseynov 2004-cü il 14 iyunda yaşadığı binanın qarşısında öldürülüb. Onu Hacı Məmmədovun dəstə üzvlərinin qətlə yetirdiyi iddia edilib. H. Məmmədov məhkəmədə bu qətlin də "siyasi sifariş" olduğunu bildirmişdi. Amma sifarişçinin kimliyini açıqlamamışdı.[4]

Şəxsi həyatı[redaktə | mənbəni redaktə et]

Ailəli idi, Tahir və Adil adlı oğlu var. 2012-ci il 9 avqustda onun oğlu Tahirə məxsus "Toyota" markalı avtomobil yoldan çıxaraq aşıb.[5] Nəticədə avtomobilin sürücüsü T.Hüseynov aldığı xəsarətdən hadisə yerində dünyasını dəyişib.[5]

Ləqəbi[redaktə | mənbəni redaktə et]

Azərbaycanda Fətulla Hüseynov "qara polkovnik" ləqəbi ilə tanınırdı.[6]

Təltif və mükafatları[redaktə | mənbəni redaktə et]

İstinadlar[redaktə | mənbəni redaktə et]

  1. ↑ 1 2 3 4 ""Qara Polkovnik"in müəmmalı qətli - 19 il keçir". 2023-07-07 tarixində arxivləşdirilib. İstifadə tarixi: 2023-07-15.
  2. ↑ Səfəroğlu, Xaqani. ""Sədrlikdən gedə bilərəm…"". modern.az. modern.az. 24 September 2021 tarixində arxivləşdirilib. İstifadə tarixi: 31 December 2015.
  3. ↑ "Так в Горадизе был спущен армянский флаг". oxu.az. oxu.az. 18 September 2021 tarixində arxivləşdirilib. İstifadə tarixi: 31 December 2015.
  4. ↑ "Onlar hamısı evinin kandarında öldürülüblər…". www.azadliq.org. Azadlıq Radiosu. 3 May 2016 tarixində arxivləşdirilib. İstifadə tarixi: 31 December 2015.
  5. ↑ 1 2 ""Qara polkovnik"in oğlu yol qəzasında ölüb". modern.az. modern.az. 24 September 2021 tarixində arxivləşdirilib. İstifadə tarixi: 31 December 2015.
  6. ↑ "Evlərinin kandarında öldürülənlər…". www.azadliq.org. www.azadliq.org. 2016-05-03 tarixində arxivləşdirilib. İstifadə tarixi: 29 iyun 2016.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Fətulla_Hüseynov&oldid=7247480"