Ernesto İnarkiyev — Vikipediya

Ernesto İnarkiyev
rus. Эрнесто Казбекович Инаркиев
Ölkə	Qırğızıstan[1]  Rusiya[1]
Doğum tarixi	9 dekabr 1985(1985-12-09) (38 yaş)
Doğum yeri	Oş, Oş vilayəti, Qırğızıstan SSR, SSRİ
Titulu	qrosmeyster (2002)
Son reytinqi	2709 (dekabr 2016)
Maksimal reytinqi	2730 (iyul 2009)
FİDE nömrəsi	4162722
Vikianbarda əlaqəli mediafayllar

Ernesto İnarkiyev (rus. Эрнесто Казбекович Инаркиев, 9 dekabr 1985, Oş) — Rusiyalı qrosmeyster (2002), Avropa çempionu (2016).

Ernesto Çe Gevaranın şərəfinə adını Ernesto qoyublar.

İki dəfə Şahmat Olimpiadasında Qırğızıstanı təmsil edib: 1998-ci ildə ikinci lövhədə 9 oyundan 6.5 xal və 2000-ci ildə 4-cü lövhədə 9/14 xal. 1999-cu ildə Asiya çempionu (16 yaşa qədər) və Qırğızıstan çempionu olmuşdur. 2000-ci ildə Kirsan İlyumjinovun təklifi ilə ailəsiylə birgə Elistaya köçüb və Rusiya Şahmat Federasiyasını təmsil edir.

2001-ci ildə keçirilən Şahmat üzrə Avropa Çempionatında (16 yaşa qədər) birinci yeri tutdu. 2002-ci ildə Vladimirdə keçirilən Rusiya gənclər çempionatının (20 yaşa qədər) 9.5/11 xalla qalib oldu.

2004-cü ildə FİDE Dünya Çempionatında ilk raundda Layner Dominqezə məğlub oldu. 2006-cı ildə 59-cu Rusiya Çempionatının superfinalında 3-cü nəticə göstərib. 2010-cu ildə Moskva Opendə 1–4-cü yerləri bölüşdürmüş və 14-cü Anatoli Karpov turnirində 3-cü yeri tutmuşdur. 2013-cü ildə Rusiya birinciliyinin superfinalında qalib olmuşdur. İnarkiyev 2014-cü ildə taybrekdə Constantin Lupulescu-yu udaraq Baku Open-in qalibi oldu. 2016-cı ildə Moskva Open-i 9 oyundan 8 xal ilə qazandı. 2016-cı ilin mayında 17-ci Avropa Fərdi Şahmat Çempionatının (17th European Individual Chess Championship) 9/11 xalla qalibi oldu.

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]

• Ernesto Inarkiev. Chess-DB.com Arxivləşdirilib 2016-10-05 at the Wayback Machine  (ing.)
• Ernesto Inarkiev. 365chess.com  (ing.)
• Ernesto Inarkiev. fide.com  (ing.)
• Ernesto Inarkiev. chessgames.com  (ing.)