Emin Şəkinski — Vikipediya

Emin Şəkinski
Azərbaycan Respublikasının Daxili İşlər Naziriliyi Nəqliyyatda Baş Polis İdarəsinin rəisi
Vəzifədədir
15 iyun 2016-cı ildən
Əvvəlki	Ceyhun Həsənov
Sonrakı	Mirqafar Seyidov
Azərbaycan Respublikasının Daxili İşlər Naziriliyi Baş Cinayət Axtarış İdarəsinin rəisi
2 aprel 2005 – 15 iyun 2016
Əvvəlki	Zakir Nəsirov
Sonrakı	Arzu Daşdəmirov
Azərbaycan Respublikası Daxili İşlər Nazirliyi Daxili Təhlükəsizlik İdarəsinin rəisi
10 yanvar 2004 – 2 aprel 2005
Şəxsi məlumatlar
Doğum tarixi	6 noyabr 1960
Doğum yeri	Bakı, Azərbaycan SSR, SSRİ
Vəfat tarixi	20 oktyabr 2020 (59 yaşında)
Atası	Əkrəm Şəkinski
Anası	Fərəh Şəkinskaya
Rütbəsi	Polis general-mayoru
Təltifləri	2005

Emin Əkrəm oğlu Şəkinski (6 noyabr 1960, Bakı - 20 oktyabr 2020) — Azərbaycan Respublikası Daxili İşlər Nazirliyinin Nəqliyyatda Baş Polis İdarəsinin Rəisi, polis general-mayoru.^[1]

Həyatı[redaktə | mənbəni redaktə et]

Şəkinski Emin Əkrəm oğlu 1960-cı ildə Bakı şəhərində anadan olmuşdur. 1982-ci ildə Bakı Dövlət Universitetinin tarix, 1993-cü ildə hüquq fakültələrini bitirmişdir.

1985-ci ildən daxili işlər orqanlarında xidməti fəaliyyətə başlamışdır. Cinayət-axtarış strukturlarında müxtəlif vəzifələrdə xidmət aparmışdır.

E. Şəkinski Bakı şəhəri Baş Polis İdarəsinin Cinayət Axtarış İdarəsində şöbə rəisi, Yasamal RPİ-nin 26-cı polis bölməsinin rəisi, Xətai RPİ-nin rəis müavini vəzifələrində işləmiş, 2004-cü ilin avqust ayında isə DİN-in Daxili Təhlükəsizlik İdarəsinin rəisi vəzifəsinə irəli çəkilmişdir.

2005-ci ilin aprel ayından DİN-in Baş Cinayət Axtarış İdarəsinin rəisi vəzifəsinə təyin edilmişdir.

Əməliyyat-xidməti fəaliyyətindəki uğurlu nəticələrinə görə müxtəlif mükafatlara layiq görülmüşdür.

6 övladı var. 4 qız 2 oğlan.

Oğlanlarından Fəxri Şəkinski avtomobil qəzasında həlak olmuşdur.

Digər oğlu Əkrəm Şəkinskidir.

Mükafatları[redaktə | mənbəni redaktə et]

30 iyun 2005-ci il tarixində Azərbaycan Respublikası Prezidentinin Sərəncamına əsasən Azərbaycan polisi günü münasibətilə, Azərbaycan Respublikasında ictimai qaydanın qorunmasında, ictimai təhlükəsizliyin təmin edilməsində, cinayətkarlıqla mübarizədə xüsusilə fərqləndiyinə, Azərbaycan Respublikası ərazi bütövlüyünün təmin edilməsində və xidməti vəzifələrin yerinə yetirilməsində şücaət və igidlik göstərdiyinə görə "Azərbaycan Bayrağı" ordeni ilə təltif edilmişdir^[2].

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]

• Azərbaycan Respublikası Daxili İşlər Nazirliyinin saytında Emin Şəkinski haqqında səhifə. mia.gov.az  (az.)