Beynəlxalq Tərəkəmə Çərşənbəsi folklor festivalı — Vikipediya

Beynəlxalq Tərəkəmə Çərşənbəsi Folklor Festivalı — Ağsu rayonunda ən iri yaşayış məntəqələrindən biri olan Gəgəli kəndində təşkil olunan beynəlxalq səviyyəli mədəni tədbir.

Tərəkəmə Çərşənbəsi[redaktə | mənbəni redaktə et]

Tərəkəmə Çərşənbəsi türk obalarında Axır çərşənbə günündə mövcud olan adətlərdən biridir^[1]. Bu ev heyvanlarının iki odun arasından keçirilməsi hadisəsi ilə bağlı ənənəvi adətdir^[2]. Azərbaycanın bir çox ərazilərində bu hadisənin əlamətləri görünsə də, Şirvan bölgəsində Oğuz türklərinin məskunlaşdığı obalardan biri olan Gəgəli kəndində ən yaxşı şəkildə müasir dövrümüzədək gəlib çatmışdır^[2]. Ənənəvi olaraq, hər il Tərəkəmə Çərşənbəsi günündə kənd sakinləri səhərə qədər yatmırlar; səhər alaqaranlıqda heyvanları iki tonqalın arasından keçirirlər^[2]. Qədim bir inanca görə, tərəkəmələr bununla mal-qaralarını il ərzində baş verə biləcək hər cür bəlalardan, xəstəliklərdən qorumuş olur, heyvanların yeni otlaqlara sağ-salamat çıxarılmasını təmin edirlər^[3].

2011-ci ildə Tərəkəmə Çərşənbəsi adəti ilə bağlı film çəkilmişdir^[2].

Festivalının təşəbbüsçüsü "Miras" Mədəni İrsin Öyrənilməsinə Kömək İctimai Birliyinin sədri olan tarix üzrə fəlsəfə doktoru Fariz Xəlillidir^[3].

Bütün festivallar[redaktə | mənbəni redaktə et]

I festival[redaktə | mənbəni redaktə et]

I Beynəlxalq Tərəkəmə Çərşənbəsi Folklor Festivalı 16-18 mart 2015-ci il tarixlərində keçirilmişdir^[4].

II festival[redaktə | mənbəni redaktə et]

II Beynəlxalq Tərəkəmə Çərşənbəsi Folklor Festivalı 2016-cı il martın 14-də başlamışdır^[2]. Festivalda 300-dən çox insan iştirak etmişdir^[2]. Qonaqlar arasında Türkiyə, Gürcüstan, Misir, Hindistan, Türkmənistan, İndoneziya və Qazaxıstandan gələn nümayəndələr və folklor qrupları olmuşdur^[2]. II festival üç gün davam etmişdir^[2].

III festival[redaktə | mənbəni redaktə et]

III Beynəlxalq Tərəkəmə Çərşənbəsi Folklor Festivalı 2018-ci il martın 19-da başlamışdır^[1]. Festivalda 500 nəfərə yaxın insan iştirak etmişdir^[1]. Qonaqlar arasında Türkiyə, Gürcüstan, Rusiya və İrandan gəlmiş nümayəndələr və folklor qrupları olmuşdur^[1]. III festival üç gün davam etmişdir^[1].

IV festival[redaktə | mənbəni redaktə et]

IV Beynəlxalq Tərəkəmə Çərşənbəsi Folklor Festivalı 18-20 mart 2019-cu il tarixlərində keçiriləcəkdir.

Təşkilatçılar[redaktə | mənbəni redaktə et]

• Həqiqət Musayev adına Gəgəli kənd ümumi orta məktəbinin Tərəkəmə Folkloru Araşdırma və Təbliğat Qrupu^[1]
• MİRAS Mədəni İrsin Öyrənilməsinə Kömək İctimai Birliyi^[1]

Dəstək verənlər[redaktə | mənbəni redaktə et]

• Azərbaycan Respublikası Mədəniyyət və Turizm Nazirliyi^[1]
• Ağsu Rayon İcra Hakimiyyəti^[1]
• AMEA Folklor İnstitutu^[1]
• "Az-Granata" MMC^[1]
• "Allprint" MMC^[1]

Faydası[redaktə | mənbəni redaktə et]

Festivalın iştirakçıları müxtəlif ölkələrin adət-ənənələri ilə tanış olmaq, kənd mətbəxinin təamlarını dadmaq, qurşaq atmaq və başqa imkanlar əldə edirlər^[1][2].

Festival çərçivəsində iştirakçılar Orta əsr Ağsu şəhəri Arxeoloji Turizm Kompleksində və Mehrəvan qalasında aşkar edilmiş arxeoloji tapıntılar, Gəgəli kəndində toxunan müxtəlif çeşidli palaz və kilimlərlə tanış olmaq imkanı əldə edirlər^[1][2].

Əsas məqsəd[redaktə | mənbəni redaktə et]

Festivalın təşkilatçılarından biri olan "MİRAS" Mədəni İrsin Öyrənilməsinə Kömək İctimai Birliyinin əsas məqsədi Tərəkəmə Çərşənbəsi ənənəsinin YUNESKO-nun qeyri-mədəni irs siyahısına salınmasına nail olmaqdır^[2].

İstinadlar[redaktə | mənbəni redaktə et]