Bülbülün büstü — Vikipediya

Bülbülün büstü
Şuşa şəhərində büstün bərpadan sonra açılışı
Ölkə	Azərbaycan
Yerləşir	Şuşa
Memarlıq üslubu	Büst
Heykəltaraş	Namiq Dadaşov
Tikilib	1984
Material	bürünc
Saxlanıldığı yer	Bülbülün ev-muzeyi, Şuşa

Bülbülün bürünc büstü — Şuşa şəhərində ucaldılmış bürünc büst. Abidə ermənilər tərəfindən gülləylə deşik-deşik edilmiş, dəmir tullantısı kimi Gürcüstana satılmışdır. 1992-ci ildə Şuşanın işğalından sonra büst (Natəvan və Üzeyir Hacıbəyovun büstləri ilə birlikdə) Gürcüstan ərazisinə çıxarılır ki, orada metal kimi satılsın. Sonralar bu büstlər Azərbaycan hakimiyyəti tərəfindən alınır.^[1] Namiq Dadaşov Xurşidbanu Natəvana qoyulan, sonradan ermənilər tərəfindən gülləbaran edilən, hazırda isə Ramiz Mustafayev adına Azərbaycan Milli İncəsənət Muzeyinin həyətində saxlanılan heykəllərinin də müəllifi məhz odur.^[2]

Böyük nəğməkarımız Bülbülün, eləcə də dahi sənətkarlarımız Üzeyir Hacıbəyov və Natəvanın erməni vəhşiləri tərəfindən güllələnmiş heykəlləri ölməz Bülbülün ləyaqətli oğlu Polad Bülbüloğlunun səyləri nəticəsində Bakıya gətirilib.^[3]

Bu büst ilə bağlı Azərbaycanın Rusiyadakı fövqəladə və səlahiyyətli səfiri Polad Bülbüloğlu aşağıdakıları deyir:

Bakıda Bülbülün bir “yaralı” abidəsi var. Ermənilərin güllələdiyi üç abidədən biridir. Bu abidə uzun müddətdir ki, Bakıdadır. Qarabağda isə nəinki abidələr, həm də ermənilər tərəfindən işğal olunan Bülbülün şəhəri, onun gəzdiyi küçələr, ata ocağı “yaralıdır”... Yaxşı ki, Bülbül Qarabağın, Şuşanın ermənilər tərəfindən işğalını görmədi”. Görmədi... Doğrudanmı görmədi?...

^[4]

İstinadlar[redaktə | mənbəni redaktə et]