Azərbaycan Superkuboku — Vikipediya

Azərbaycan Superkuboku
Açılış ili 1993
Komandaların sayı 2
Son çempion Xəzər-Lənkəran
Ən uğurlu klub Neftçi Bakı (2 dəfə)
TV yayımçıları İdman Azərbaycan
Veb səhifəsi www.pfl.az
2013

Azərbaycan Superkuboku — kubok 4 dəfə — 1993, 1994 və 1995-ci illərdə — "Səhər" qəzetinin Superkuboku adı ilə keçirilib. 2013-cü ildə isə Azərbaycan Superkuboku adı ilə yenidən bərpa edilmişdir. Qalib iki dəfə "Neftçi Bakı", bir dəfə isə "Qarabağ" və "Xəzər-Lənkəran" olmuşdur.

Tarixi[redaktə | mənbəni redaktə et]

İlk Superkubok oyunu 1993-cü il fevralın 21-də baş tutub. Birinci və hələlik sonuncu dəfə matçda çempionla kubokun sahibi görüşüb. Sumqayıtda "Neftçi" ilə "İnşaatçı Bakı" arasında görüş baş tutub.[1] Həmin matç böyük hesabla nəticələnib – 4:1. Ölkə çempionu "Neftçi" bu yarışda da gücünü göstərib. 1993-cü ildə "Qızıl dubl" edən "Qarabağ" isə təşkilatçılar tərəfindən Superkubokla da mükafatlandırıldı.[1] Hərçənd, çempionun kubokun finalçısı və ya gümüş mükafatçı ilə oynaması mümkün idi. 1993/94 mövsümünün çempionu "Turanla" kubokun qalibi "Kəpəz" arasında Superkubok oyunu baş tutmadı. Çünki həmin vaxt çempionatda çıxışını dayandıran Neftçi və onun tərəfində olan klublar AFFA-ya alternativ qurum yaratmaqla məşğul idi. Belə vaxtda Superkubok heç yada da düşmürdü. 1994/95 mövsümündə çempion olan "Kəpəz" isə Superkubokda oynamaqdan imtina edən ilk çempion oldu. Azərbaycan kubokunun qalibi "Neftçi"nin qarşısına vitse-çempion Turan çıxdı.[1]

2005-ci ildə Ramiz Mirzəyev AFFA-nın prezidenti olduğu dövrdə yenidən Superkubok oyununun keçirilməsi gündəmdə idi. Hətta çempion "Neftçi PFK" ilə ölkə kubokunun sahibi "Bakı FK" arasında həlledici matç təqvimə də daxil edilmişdi. Bu görüşün Naxçıvanda keçiriləcəyi gözlənilsə də, sonradan təxirə salındı[2].

24 may 2013-cü ildə Azərbaycan Peşəkar Futbol Liqasının iclasında qurumun sədri Ramin Musayev bildirdi ki, "Biz Super Kubokun yenidən keçirilməsi ilə bağlı çox düşündük. AFFA prezidenti Rövnəq Abdullayevlə görüşdə qərar verdik ki, bu oyunu yenidən təşkil edək. AFFA prezidenti onu da bildirdi ki, kuboklar milli ornamentlərlə işlənsin. Kubokun eskizi Moskvada hazırlanıb." Beləliklə bu toplantıda bəyan edildi ki, Azərbaycan superkuboku yenidən keçiriləcək.[3]

Bütün finallar[redaktə | mənbəni redaktə et]

Tarix / Yer Qalib Hesab Finalçı
21 fevral 1993
Sumqayıt 		Neftçi Bakı 4:1 İnşaatçı Bakı
1994
 Qarabağ - -
23 iyun 1995
Sumqayıt 		Neftçi Bakı 1:1 p. 8:7 Turan Tovuz FK
23 oktyabr 2013
Naxçıvan[4][5] 		Xəzər Lənkəran 2:1 Neftçi Bakı

Qaliblər[redaktə | mənbəni redaktə et]

Klub Qələbə
Neftçi 2
Qarabağ 1
Xəzər Lənkəran 1

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. ↑ 1,0 1,1 1,2 "Superkubok xatirələri". 2014-01-10 tarixində arxivləşdirilib. İstifadə tarixi: 2013-10-24.
  2. ↑ "Azərbaycan Superkuboku yenidən keçiriləcək". 2012-07-18 tarixində arxivləşdirilib. İstifadə tarixi: 2010-05-25.
  3. ↑ Ramin Musayev: Biz Super Kuboku yenidən keçirmək üçün çox düşündük. azerisport.com Arxivləşdirilib 2021-05-09 at the Wayback Machine  (az.)
  4. ↑ Superkubokun keçirilmə tarixi və yeri müəyyənləşdi. pfl.az Arxivləşdirilib 2022-01-27 at the Wayback Machine  (az.)
  5. ↑ Azərbaycan Superkuboku Naxçıvanda keçiriləcək. pfl.az Arxivləşdirilib 2022-01-27 at the Wayback Machine  (az.)

Xarici keçidlər[redaktə | mənbəni redaktə et]

⛭
Milli futbol Superkubokları (UEFA üzrə)
Albaniya • Andorra • Ermənistan • Avstriya (keçirilmir) • Azərbaycan • Belçika • Bosniya və Herseqovina (keçirilmir) • Bolqarıstan (keçirilmir) • Çexiya • Xorvatiya • Kipr • Danimarka (keçirilmir) • İngiltərə • Estoniya • Fransa • Almaniya • Yunanıstan • Macarıstan • İslandiya • İrlandiya (keçirilmir) • İtaliya • Qazaxıstan • Litva • Niderland • Şimali İrlandiya (keçirilmir) • Polşa • Portuqaliya • Romıniya • Rusiya • San-Marino • Slovakiya • Sloveniya • İspaniya • İsveç • Türkiyə • Ukrayna • SSRİ (keçirilmir)
Mənbə — "https://az.wikipedia.org/w/index.php?title=Azərbaycan_Superkuboku&oldid=7404879"