Aslan Hüseynov (müğənni) — Vikipediya

Aslan Hüseynov
Aslan Tofiq oğlu Hüseynov
Ümumi məlumatlar
Doğum tarixi	17 may 1967
Doğum yeri	Cambul vilayəti, Qazaxıstan SSR, SSRİ
Vəfat tarixi	4 may 2021 (53 yaşında)
Vəfat yeri	Bakı, Azərbaycan
Vəfat səbəbi	Avtoqəza
Dəfn yeri	Gəncə, Azərbaycan
Vətəndaşlığı	Azərbaycan
Musiqiçi məlumatları
Fəaliyyəti	müğənni
Fəaliyyət illəri	2000—2021
Janr	Estrada

Aslan Hüseynov (17 may 1967, Cambul vilayəti, Qazaxıstan SSR – 4 may 2021, Bakı, Azərbaycan) — Azərbaycan müğənnisi.

Həyatı[redaktə | mənbəni redaktə et]

Aslan Hüseynov 1967-ci il mayın 17-də Qazaxıstanın Cambul vilayətində anadan olub. Ailədə iki bacı, iki qardaş olublar. Orta məktəbi elə orada bitirən Aslan daha sonra Qırğız Dövlət universitetininin hüquq fakültəsinə daxil olub və təhsilini uğurla bitirib. Musiqiyə həvəskar olan Aslan Hüseynov Qazaxıstanda Abay adına Qazax Milli Vokal Studiyasında musiqi təhsili alıb.

Sonralar Azərbaycana köçən Aslan müğənnilik fəliyətini burada davam etdirib. Onun ən məşhur ifaları olan "Reyhan", "İgidlər", "Bulaq suyu, dağ havası" və "Of dədə" Azərbaycan tamaşaçıları tərəfindən sevilib. Müğənni zaman-zaman Qazaxıstan, Qırğızıstan, Türkmənistan, Özbəkistan səhnələrində Azərbaycan mədəniyyətini təmsil etmiş, bir çox uğurlu layihələr həyata keçirmişdir.

Ailəsi[redaktə | mənbəni redaktə et]

Aslan Hüseynov 2001-ci ildə ailə qurub, iki övladı vardır. Böyük oğlu Polad 2003-cildə, qızı Afərim isə 2006-cı ildə anadan olub.

Ölümü[redaktə | mənbəni redaktə et]

Aslan Hüseynov 4 may 2021-ci ildə yol nəqliyyat qəzasında vəfat etmişdir.^[1][2] Bakı-Qazax yolunun 60 kilometrliyində "BMW" markalı minik avtomobili ilə "KamAZ" markalı yük maşını toqquşmuşdur. 26 apreldə müğənninin anası da dünyasını dəyişmişdir. Aslan Hüseynov Gəncədə anasının məzarının yanında dəfn edilib.^[3][4]

Məşhur ifaları[redaktə | mənbəni redaktə et]

• Bulaq suyu, dağ havası^[5]
• Reyhan^[6]
• İgidlər^[7]
• Of dədə^[8]

İstinadlar[redaktə | mənbəni redaktə et]