Asif Məmmədov (icra başçısı) — Vikipediya

Asif Məmmədov
Şamaxı Rayon İcra Hakimiyyətinin başçısı
21 aprel 2011 – 15 fevral 2013
Əvvəlki	Nazim İsmayılov
Sonrakı	Asif Ağayev
Balakən Rayon İcra Hakimiyyətinin başçısı
2006 – 2011
Əvvəlki	Nəsib Məhəməliyev
Sonrakı	İslam Rzayev
Əzizbəyov Rayon İcra Hakimiyyəti başçısının müavini
Şəxsi məlumatlar
Doğum tarixi	1962
Doğum yeri	Rəzgov, Lerik rayonu, Azərbaycan SSR, SSRİ
Partiya	Yeni Azərbaycan Partiyası
Təhsili	Azərbaycan Texniki Universiteti
Fəaliyyəti	siyasətçi

Asif Məmmədov (1962, Rəzgov, Lerik rayonu) — Balakən Rayon İcra Hakimiyyətinin başçısı (2006–2011-ci illər), Şamaxı Rayon İcra Hakimiyyətinin başçısı (2011–2013-cü illər).

Həyatı[redaktə | mənbəni redaktə et]

Asif Salman oğlu Məmmədov 1962-ci ildə Lerik rayonunda anadan olmuşdur. 1984-cü ildə Ç. İldırım adına Azərbaycan Politexnik İnstitutunu mühəndis-mexanik ixtisası üzrə bitirmişdir. Əmək fəaliyyətinə 1979-cu ildə Lerik rayon Mərkəzi kitabxanasında salon müdiri kimi başlamışdır. Sonralar "Əzizbəyovneft" və H. Z. Tağıyev adına NQÇİ-lərində iş icraçısı, rəis müavini, rəis vəzifələrində çalışmış, Kaspi-Yıldız" Azər-Türk MM-də baş direktor, idarə heyətinin sədri olmuşdur.

Evlidir, 4 övladı var. Azərbaycan Respublikasının Milli Məclisinin deputatı İqbal Məmmədovun qardaşıdır.^[1]

Siyasi fəaliyyəti[redaktə | mənbəni redaktə et]

Asif Məmmədov Əzizbəyov (indiki Xəzər) Rayon İcra Hakimiyyəti başçısının müavini, 2006–2011-ci illərdə Balakən Rayon İcra Hakimiyyətinin başçısı, 2011-ci il aprel ayının 21-dən 2013-cü il fevral ayının 15-dək isə Şamaxı Rayon İcra Hakimiyyətinin başçısı vəzifələrində çalışmışdır^[2].

Yeni Azərbaycan Partiyasının üzvüdür.

İstinadlar[redaktə | mənbəni redaktə et]