Arif Məmmədov (nazir) — Vikipediya

Arif Məmmədov
Məmmədov Arif Hüseynqulu oğlu
Azərbaycan SSR dövlət Aqrar-sənaye komitəsi sədrinin müavini
1985 – 1987
Azərbaycan SSR Ət-süd sənayesi naziri
2 iyul 1971 – 12 dekabr 1985
Əvvəlki	Səttar Zülfüqarov
Şəxsi məlumatlar
Doğum tarixi	2 noyabr 1929
Doğum yeri	Şahtaxtı, Naxçıvan MSSR, Azərbaycan SSR
Vəfat tarixi	1989
Vəfat yeri	Bakı, Azərbaycan SSR
Milliyyəti	azərbaycanlı
Partiya	Kommunist partiyası
Təltifləri	1981

Arif Hüseynqulu oğlu Məmmədov (2 noyabr 1929, Şahtaxtı, Naxçıvan MSSR – dekabr 1989, Bakı) — dövlət xadimi, Azərbaycan SSR Ət-süd sənayesi naziri (1971–1985), Azərbaycan SSR Ali Sovetinin deputatı (1975–1989), Azərbaycan SSR əməkdar mühəndisi (1981).

Fəaliyyəti[redaktə | mənbəni redaktə et]

Arif Hüseynqulu oğlu Məmmədov 2 noyabr 1929-cu ildə Naxçıvan MSSR-in indiki Kəngərli rayonunun Şahtaxtı kəndində anadan olmuşdur və 1989-ci ildə Bakıda vəfat etmişdir. Fəxri xiyabanda dəfn edilib. Naxçıvan Kənd təsərrüfatı texnikumunu (1949) və Moskva Ət-Süd sənayesi institunu (1954) bitirmişdir. Azərbaycan SSR Əməkdar mühəndisidir (1981).

Naxçıvan vilayət Ət tədarükü idarəsinin rəisi (1961–1962), Naxçıvan Ət kombinatının direktoru (1962–1963), Azərbaycan SSR Xalq təsərrüfatı Şürasının Ət-süd sənayesi idarəsinin rəis müavini (1963–1965), Azərbaycan SSR Ət-süd sənayesi nazirinin müavini (1965–1968) vəzifələrində işləmişdir. Qırmızı Əmək Bayrağı ordenli Bakı Ət kombinatının direktoru (1968–1971), Azərbaycan SSR Ət-süd sənayesi naziri (1971–1985), Azərbaycan SSR dövlət Aqrar-sənaye komitəsi sədrinin müavini (1985–1987) olmuşdur.

Arif Məmmədov iki dəfə "Qırmızı Əmək Bayrağı", Xalqlar Dostluğu ordenləri və Azərbaycan SSR Ali Sovetinin fəxri fərmanı ilə təltif olunmuşdur. 1975-ci, 1980-ci, 1985-ci illərdə Azərbaycan SSR Ali Sovetinə deputat seçilmişdir.

Mənbə[redaktə | mənbəni redaktə et]

Şahtaxtı Xeyriyyə Cəmiyyəti.