Albaniyada nəqliyyat — Vikipediya

Albaniyada nəqliyyat — Albaniya Respublikasındakı nəqliyyat, nəqliyyat infrastrukturu və nəqliyyat növləri.

Vəziyyəti[redaktə | mənbəni redaktə et]

Ölkənin əsas nəqliyyat növü avtomobil nəqliyyatıdır^[1]. Avto mobil yollarının uzunluğu 18 min km-dir ki, onun da 30%-i bərkörtüklüdür^[1].

Ölkə avtoparkın böyük hissəsi köhnə maşınlardan ibarətdir^[1]. Kənd yerlərində yük maşınları böyük üstünlük təşkil edir^[1].

Paytaxt Tiranadan ölkənin bütün şəhərlərinə, həmçinin xarici ölkələrə avtobus işləyir^[1].

Dəmir yolları[redaktə | mənbəni redaktə et]

Dəmir yollarının uzunluğu 720 km-dir^[2].

Avtomobil yolları və dəmir yolları ölkənin qərbindəki düzənlik hissəsindədir, yalnız tək-tək şose yolları ölkənin şərqindəki dağ silsilələrini aşır^[2].

Gəmiçilik[redaktə | mənbəni redaktə et]

Dəniz ticarət donanması 24 gəmidən ibarətdir ki, onlardan 7-sinin subasımı 1000 tondan çoxdur^[2]. Başlıca xarici ticarət limanı Durresdir ki, buranın yük dövriyyəsi ölkənin limanlarındakı ümumi yük dövriyyəsinin təqribən 90%-ni təşkil edir. Sonrakı yerdə Vlyoradır^[2].

Ölkədə çay gəmiçiliyi də vardır^[2].

Boru nəqliyyatı[redaktə | mənbəni redaktə et]

2004-cü ilin məlumatlarına görə ölkədə 339 km uzunluğunda qaz, 207 km uzunluğunda neft boru kəməri fəaliyyət göstərmişdir^[2].

Hava nəqliyyatı[redaktə | mənbəni redaktə et]

Tiranadan 25 km aralıda beynəlxalq aeroport var^[2].

İstinadlar[redaktə | mənbəni redaktə et]