Ağamirzə Əhmədov — Vikipediya

Ağamirzə Əhmədov
Ağamirzə Əhmədov
Azərbaycan SSR ticarət naziri
	21 yanvar 1959 – 12 avqust 1963
Əvvəlki	Nadir Axundov
Sonrakı	Ağarza Qafarov
Bakı Şəhər Zəhmətkeş Deputatları Soveti İcraiyyə Komitəsinin sədri
	1954 – yanvar 1959
Əvvəlki	Əlövsət Əbdülrəhimov
Sonrakı	Əliş Ləmbəranski
Bakı Vilayət Zəhmətkeş Deputatları Soveti İcraiyyə Komitəsi sədrinin müavini
	1952 – 17 aprel 1953
Sədr	Həsən Seyidov
Əvvəlki	vəzifə təsis edilib
Sonrakı	vəzifə ləğv edilib
Azərbaycan SSR Ali Sovetinin sədri
	26 mart 1951 – 18 aprel 1953
Əvvəlki	Yusif Yusifov
Sonrakı	Mustafa Topçubaşov
Azərbaycan Kommunist Partiyası Kirovabad Şəhər Komitəsinin birinci katibi
	sentyabr 1949 – 1951
Azərbaycan Kommunist Partiyası Quba Rayon Komitəsinin birinci katibi
	1944 – 1949
Azərbaycan Kommunist Partiyası Naxçıvan Vilayət Komitəsinin ikinci katibi
	1943 – 1944
Birinci katib	Hüseyn Nəcəfov
Sonrakı	Şirəli Məmmədov
Azərbaycan Kommunist Partiyası Əli Bayramlı Rayon Komitəsinin birinci katibi
	1941 – 1941
Şəxsi məlumatlar
Doğum tarixi	1905
Doğum yeri	Əngəxaran, Şamaxı qəzası, Bakı quberniyası, Rusiya imperiyası;
Vəfat tarixi	12 may 1964
Vəfat yeri	Bakı, Azərbaycan SSR, SSRİ;
Dəfn yeri	Fəxri Xiyaban;
Partiya	Ümumittifaq Kommunist (bolşeviklər) Partiyası (1928–);
Təhsili	Bakı Ali Partiya Məktəbi,; ÜİK(b)P MK yanında Ali Partiya Məktəbi[d] (1939–1941);
Fəaliyyəti	siyasətçi
Təltifləri

Ağamirzə (Ağamirzəli) Mirzəli (Mirzalı) oğlu Əhmədov (1905, Əngəxaran, Şamaxı qəzası – 12 may 1964, Bakı) — Azərbaycan-sovet dövlət və partiya xadimi, Azərbaycan SSR Ali Sovetinin sədri (1951–1953), Azərbaycan SSR ticarət naziri (1959–1963).

Həyatı[redaktə | mənbəni redaktə et]

Ağamirzə Əhmədov 1905-ci ildə Şamaxı qəzasının Əngəxaran kəndində yoxsul kəndli ailəsində anadan olmuşdur. 13 yaşında atası vəfat etdikdən sonra işləməyə başlamışdır. Azərbaycanda sovet hakimiyyəti qurulan zaman Ağamirzə Əhmədov komsomol sıralarına daxil olmuş, 1925-ci ildə isə Bakıda Sovet Partiya Məktəbində oxumağa göndərilmişdir. Burada oxuyarkən o, 1928-ci ildə ÜİK(b)P üzvlüyünə qəbul edilmişdir. 1929-cu ildə məktəbi başa vurduqdan sonra Basqal komsomol komitəsinin katibi, 1930–1931-ci illərdə Şamaxı rayon xalq maarif şöbəsinin müdiri, ardınca isə Azərbaycan K(b)P Şamaxı Rayon Komitəsinin təşkilat-təlimat şöbəsinin müdiri vəzifələrində çalışmışdır.^[1]

Ağamirzə Əhmədov 1932–1934-cü illərdə Bakıda Marksizm-Leninizm İnstitutunda təhsil almış, sonra isə beş il Kürdəmir rayonundakı Mollakənd MTS-də siyasi şöbənin rəisi, Lənkəran, Zaqatala, Şamaxı rayonlarında rayon partiya komitələrinin katibi işləmişdir. 1939-cu ildə Moskvadakı ÜİK(b)P Mərkəzi Komitəsi yanında Ali Partiya Təşkilatçıları Məktəbində^[ru] oxumağa göndərilmiş, qayıtdıqdan sonra Azərbaycan K(b)P Əli Bayramlı Rayon Komitəsinin birinci katibi seçilmişdir.^[1]

Böyük Vətən müharibəsi illərində Ağamirzə Əhmədov Zaqafqaziya dəmir yolları siyasi şöbəsində işləməyə göndərilmiş, 1941–1943-cü illərdə burada rəis müavini olmuşdur. 1943-cü ildə Azərbaycan K(b)P Naxçıvan Vilayət Komitəsinin ikinci katibi seçilmiş, Bakı Şəhər Partiya Komitəsi nəqliyyat şöbəsinin müdiri, Azərbaycan K(b)P Quba rayon, 1949-cu ildən isə Kirovabad şəhər komitələrinin birinci katibi, Bakı Şəhər Partiya Komitəsinin katibi olmuşdur.^[1]^[2]

1951–1953-cü illərdə Ağamirzə Əhmədov Azərbaycan SSR Ali Sovetinin sədri seçilmiş^[3] və paralel olaraq 1952-ci ildə Bakı Vilayət Zəhmətkeş Deputatları Soveti İcraiyyə Komitəsi sədrinin müavini təyin edilmişdir. Vilayət ləğv edildikdən sonra o, Azərbaycan SSR Nazirlər Soveti aparatında işləmişdir. 1954-cü ilin əvvəllərindən Bakı Şəhər Soveti İcraiyyə Komitəsi sədrinin müavini, sonra isə sədri olmuşdur.^[2] 1963-cü ilədək o, Azərbaycan SSR ticarət naziri, ömrünün sonlarına yaxın vaxtlarda isə Azərbaycan SSR Nazirlər Soveti aparatında işləmişdir.^[4]

Ağamirzə Əhmədov 1955–1957-ci illərdə Azərbaycan Kommunist Partiyası Bakı Şəhər Partiya Komitəsinin büro üzvü, 1956–1961-ci illərdə Azərbaycan KP Mərkəzi Komitəsinin üzvü, 1961–1964-cü illərdə isə Azərbaycan KP Təftiş Komissiyasının üzvü olmuşdur.^[5] O, iki dəfə "Qırmızı əmək bayrağı", ikinci dərəcəli "Vətən müharibəsi", "Şərəf nişanı" ordenləri və medallarla təltif edilmişdir. SSRİ Ali Sovetinin (3-cü çağırış), Azərbaycan SSR Ali Sovetinin deputatı (2–5-ci çağırış) deputatı seçilmişdir.^[6]

Ağamirzə Əhmədov 1964-cü ilin may ayında Bakıda vəfat etmişdir. Fəxri Xiyabanda dəfn olunmuşdur.^[6]

İstinadlar[redaktə | mənbəni redaktə et]

↑ ¹ ² ³ Ағамирзә Мирзәли оғлу Әһмәдов // Коммунист. № 43 (8255). 1 март 1950-ҹи ил. С. 3.
↑ ¹ ² Ағамирзә Мирзәли оғлу Әһмәдов // Азәрбајҹан ССР Али Совети депутатларынын тәрҹүмеји-һаллары. Бешинҹи чағырыш: 15 март 1959-ҹу ил. Бакы. 1960. С. 194.
↑ "Ахмедов Ага Мирза Мирза Али оглы". knowbysight.info (rus). Справочник по истории Коммунистической партии и Советского Союза 1898–1991. 29 dekabr 2021 tarixində arxivləşdirilib. İstifadə tarixi: 29 dekabr 2021.
↑ А. М. Әһмәдов // Коммунист. № 111 (12582). 13 мај 1964-ҹү ил. С. 4.
↑ Ahkmedov, Agamirzali Mirza ogly // Who was who in the USSR (ingilis). Metuchen, New Jersey: Scarecrow Press. 1972. səh. 7.
↑ ¹ ² Əhmədov Ağamirzə Mirzəli oğlu // Fəxri Xiyaban. Bakı: Heydər Əliyev Fondu. 2007. səh. 50.

Xarici keçidlər[redaktə | mənbəni redaktə et]

"Əhmədov Ağamirzə Mirzalı oğlu". Şamaxı ensiklopediyası. 2014. 2017-09-13 tarixində arxivləşdirilib. İstifadə tarixi: 29 dekabr 2021.
"Aghamirza Ahmedov" (ingilis). Find a Grave. 2021-12-29 tarixində arxivləşdirilib. İstifadə tarixi: 29 dekabr 2021.

Həmçinin bax[redaktə | mənbəni redaktə et]

[k1950-1] ¹ ² ³ Ағамирзә Мирзәли оғлу Әһмәдов // Коммунист. № 43 (8255). 1 март 1950-ҹи ил. С. 3.

[dep-2] ¹ ² Ағамирзә Мирзәли оғлу Әһмәдов // Азәрбајҹан ССР Али Совети депутатларынын тәрҹүмеји-һаллары. Бешинҹи чағырыш: 15 март 1959-ҹу ил. Бакы. 1960. С. 194.

[kbs-3] "Ахмедов Ага Мирза Мирза Али оглы". knowbysight.info (rus). Справочник по истории Коммунистической партии и Советского Союза 1898–1991. 29 dekabr 2021 tarixində arxivləşdirilib. İstifadə tarixi: 29 dekabr 2021.

[4] А. М. Әһмәдов // Коммунист. № 111 (12582). 13 мај 1964-ҹү ил. С. 4.

[who-5] Ahkmedov, Agamirzali Mirza ogly // Who was who in the USSR (ingilis). Metuchen, New Jersey: Scarecrow Press. 1972. səh. 7.

[fx-6] ¹ ² Əhmədov Ağamirzə Mirzəli oğlu // Fəxri Xiyaban. Bakı: Heydər Əliyev Fondu. 2007. səh. 50.

[1]

[2]

[3]

[4]

[5]

[6]