Əsgər Rəhimov — Vikipediya

Əsgər Rəhimov
Əsgər Rəhimov
	Əsgər Ağarəhim oğlu Rəhimov
Doğum tarixi	27 noyabr 1956
Vəfat tarixi	21 mart 2017 (60 yaşında)
Vəfat yeri	Bakı, Azərbaycan
Vətəndaşlığı	Azərbaycan;
Fəaliyyəti	Aktyor
Mükafatları

Əsgər Rəhimov — Azərbaycan teatr və kino aktyoru, Azərbaycanın əməkdar artisti (2012).

Həyatı[redaktə | mənbəni redaktə et]

Əsgər Rəhimov 27 noyabr 1956-cı ildə^[1] Göyçay şəhərində anadan olub.1979-cu ildə Azərbaycan Dövlət İncəsənət İnstitutunun dram-kino aktyoru fakültəsində ali təhsil almışdır. 1978-1988-ci ilə qədər S.Vurğun adına Rus Dram teatrında, sonradan Bakı Kamera Teatrında aktyor vəzifəsində işləmiş, 2005-ci ildə yenidən S.Vurğun ad. Rus Dram teatrına qayıtmışdır.

Bu illər ərzində teatr səhnəsində bir çox rol oynamışdır. Onun yaratdığı Nikita (A.Arbuzov "Kobud oyunlar"), Oyunçu (R.İbrahimbəyov "Poxoronı v Kalifornii"), Lukin (M.Qorki "Varvarı"), Bayandur (İ.Əfəndiyev "Büllur sarayda"), Ralf (R.Baer "Qarışıq hisslər"), Kazım (N.Rəsulzadə "Nonsens"), Qraf Kent (U.Şekspir "Kral Lir"), Həkim (K.Hiqqins "Qarold və Mod") kimi obrazları aktyorun rəngarəng yaradıcılıq palitrasının nümunələrindəndir.

9 may 2012-ci il tarixdə Əməkdar artist fəxri adına layiq görülmüşdür.

Əsgər Rəhimov 21 mart 2017-ci ildə vəfat etmişdir.^[2]^[3]