Əli Allahverdiyev (aktyor) — Vikipediya

Əli Allahverdiyev
Əli Fərman oğlu Allahverdiyev
Doğum tarixi
Doğum yeri Alabaşlı, Samux, Azərbaycan SSR, SSRİ
Vəfat tarixi (62 yaşında)
Vəfat yeri Gəncə, Azərbaycan
Vətəndaşlığı SSRİ SSRİ
Azərbaycan Azərbaycan
Fəaliyyəti aktyor
Mükafatları Azərbaycan SSR əməkdar artisti

Allahverdiyev Əli Fərman oğlu (23 mart 1948, Alabaşlı, Samux rayonu15 iyun 2010, Gəncə) — azərbaycanlı aktyor, Azərbaycanın əməkdar artisti (1981).

Həyatı[redaktə | mənbəni redaktə et]

Əli Allahverdiyev 1 fevral 1948-ci ildə Samuxda anadan olmuşdur. 1965-ci ildə orta məktəbi bitirmiş, 1966-cı ildən Gəncə Dövlət Dram teatrında işləməyə başlamışdır. C. Cabbarlı adına Gəncə Dövlət Dram teatrında işlədiyi dövrdə Səməd Vurğunun" Vaqif" pyesində Qacar, "Komsomol" poemasında Gəray bəy, Cəfər Cabbarlının "Yaşar" pyesində Yaşar, "Aydın" pyesində Dövlət bəy, "Solğun çiçəklər"də Əbdül, "Almas"da İbad, "Aslan və Fərhad" əsərində Aslan və sair rollar oynamışdır. 1990-cı ildən Gəncə Dövlət Nizami Poeziya teatrında işləyir. Bu teatrın səhnəsində hazırlanan "Xeyir və Şər" əsərində Kürd, "Gül və zəhər" əsərində Loğman, "Zəhmət dastanı"nda Qoca, "Hikmət axşamında" Sokrat, "Sevgi dastani"nda Vəzir, Nizami Gəncəvinin "Xəmsə" motivləri əsasında M. Alimin səhnələşdirdiyi "Yeddi məhbusun şikayəti" tamaşasında Bəhram və s. obrazlarla tamaşaçıların rəğbətini qazanmışdır.

Mükafatları[redaktə | mənbəni redaktə et]

  • Azərbaycan SSR əməkdar artisti — 24.12.1981[1]

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]