Ədəbiyyat üzrə "Nobel" mükafatı — Vikipediya

Ədəbiyyat üzrə "Nobel" mükafatı
Ölkə	İsveç
Tip	ədəbiyyat mükafatı[d]
Təltif edir	İsveç Akademiyası
Statistika
Təsis tarixi	1901
nobelprize.org/prizes/li…
Vikianbarda əlaqəli mediafayllar

Ədəbiyyat üzrə Nobel Mükafatı — ədəbiyyat sahəsindəki nailiyyətlərə görə Stokholmda yerləşən Nobel Komitəsinin hər il təqdim etdiyi ali mükafat. Mükafat Alfred Nobelin vəsiyyətinə əsasən "idealist tərzdə" yazan yazıçılara verilir. Ceyms Coys, Lev Tolstoy, Anton Çexov, Marsel Prust, Henrik İbsen və Henri Ceyms kimi yazıçıların bu mükafata layiq görülmədiklərinin səbəbi kimi də bu göstərilir.

Nobel fondunun nizamnaməsinə görə namizədləri aşağıdakı şəxslər təqdim edə bilər:

1. İsveç Akademiyasının, eləcə də analoji vəzifə və məqsədləri olan digər akademiyaların, institutların və birliklərin üzvləri;
2. Universitetlərin ədəbiyyat və dilçilik tarixi fənlərinin professorları;
3. Ədəbiyyat üzrə Nobel mükafatı laureatları;
4. Müvafiq ölkələrdə ədəbi yaradıcılığı təmsil edən müəllif birliklərinin sədrləri.

Əsas məqalə: Ədəbiyyat üzrə Nobel mükafatı laureatlarının siyahısı

• Ədəbiyyat üzrə Nobel mükafatı alan ən gənc yazıçı Redyard Kiplinqdir. O, 1907-ci ildə, 42 yaşında bu mükafata layiq görülüb.
• Ədəbiyyat üzrə Nobel mükafatı almış yazıçıların ən uzun ömürlüsü Bertran Rasseldir. O, 1970-ci il fevral ayının 2-də. 97 yaşında vəfat edib.
• Ədəbiyyat üzrə Nobel mükafatı almış yazıçıların ən qısa ömürlüsü Alber Kamyudur. O, 1960-cı il yanvar ayının 4-də, 46 yaşında, avtomobil qəzasında həlak olub.

Vikianbarda Ədəbiyyat üzrə "Nobel" mükafatı ilə əlaqəli mediafayllar var.

• Nobel Prize