Şəmkir FK — Vikipediya

Şəmkir FK
Klubun tam adı	Şəmkir Futbol Klubu
Ölkə	Azərbaycan
Ləqəb(lər)	"Şəmkirlilər","Qərblilər"
Rəng(lər)	qırmızı-ağ
Yaranma tarixi	1954
Stadionu	Şəmkir Olimpiya İdman Kompleksinin stadionu
Tutumu	2 000
Prezidenti	Mahir Şirinov
Baş məşqçisi	Badri Kvaratsxeliya
Liqa	Azərbaycan Birinci Divizionu
2016/2017	6
Ev forması Səfər forması

Şəmkir — eyni adlı şəhəri təmsil edən futbol klubudur. 2017-ci ildə fəaliyyətini dayandırmışdır.

Tarixi[redaktə | mənbəni redaktə et]

Klub bir vaxtlar aktiv olmuş vebsəhifəsinə əsasən 1954-cü ildə Şəmkirdə yaranmışdır. Müxtəlif vaxtlarda 9 dəfə futbol üzrə Azərbaycan çempionatının elitasında iştirak etmişdir. üç dəfə qızıl, iki dəfə gümüş medal, bir dəfə də bürünc medal qazanmışdır.

Futbol üzrə Azərbaycan Kubokunun finalında 2 dəfə oynamışdır.

Çempionlar Liqasında təsnifat mərhələsini adlayan ilk Azərbaycan klubu olan "Şəmkir" Latviyanın ən titullu klubu olan Skontonu Bakıda 4-1 hesabı ilə məğlubiyyətə uğratmışdı. 2001/2002 mövsümü yarımçıq dayandırılan zaman Şəmkir FK 1-ci pillədə idi və 3-cü çempionluğuna çox yaxınlaşmışdı.

2003-2004 mövsümü çempionu Neftçini məğlub edən yeganə komanda məhz Şəmkir FK olmuşdu (3-1). Həmin il Bakıda keçirilən cavab görüşü isə 2-2 hesablı heç-heçə ilə bitmişdi. 2004-cü ildə keçirilən Azərbaycan kuboku finalında əlavə vaxtda ilk qolu məhz Şəmkir klubu vursa da - hakim İmamxan Sultani qolu qeydə almamışdı. Bütün mətbuat orqanlarında qolun haqsız yerə sayılmaması qeyd olundu. Bu final matçından sonra klubun əksər aparıcı futbolçuları komandadan ayrıldılar. 2004/2005 mövsümünü 11-ci yerdə (18 klub arasında) bitirməsinə baxmayaraq mövsümlərarası fasilədə maliyyə çatışmazlığı ucbatından fəaliyyətini dayandırmışdı.

2009-cu ilin sonlarında Pekin Olimpiadasının bürünc mükafatçısı Mövlud Mirəliyevin təşəbbüsü ilə 4 illik fasilədən sonra yenidən bərpa olunmuş və komandanın baş məşqçisi postuna vaxtilə bu klubun şərəfini qorumuş sabiq müdafiəçi Faiq Cabbarov təyin olunmuşdur. 2010/2011 mövsümünün gedişində Anar Kələntərov baş məşqçi təyin olundu və klub I divizionda mövsümün sonunda 9-cu pillədə qərarlaşdı^[1].

Klubun rəngləri[redaktə | mənbəni redaktə et]

2010/2011 dirçəliş mövsümu[redaktə | mənbəni redaktə et]

4 illik fasilədən sonra,19 Avqust 2009-cu ildə klub yenidən bərpa olunmuşdur.Klub mövsüm ərzində 30 futbolçunun xidmətindən istifadə etmiş və turnir cədvəlini 9-cu pillədə başa vurmuşdur. Aktivində 5 qələbə, 7 heç-heçə və 14 məğlubiyyət olan Şəmkir FK 22 xalla mövsümü bitirmişdir.

2013/2014 mövsüm[redaktə | mənbəni redaktə et]

Bu mövsümda klubun heyəti dəyişdi.Anar Kələnərovun yerinə baş məşqçi Ruslan Abbasov oldu.Kluba yeni gənc və perspektivli oyunçular gəldi.

2014/2015 mövsüm[redaktə | mənbəni redaktə et]

Bir sıra uğursuzluqdan sonra Ruslan Abbasov istefaya göndərildi.Kluba sponsor tapıldı,yeni baş məşqçi və oyunçular gəldi.2015-ci ilin Yanvar ayından etibarən komandanın yeni baş məşqçisi Kamran Əlibabayev təyin olundu.

2016/2017 mövsüm[redaktə | mənbəni redaktə et]

Bu klub üçün sonuncu mövsüm oldu. 2016-cı ildə klubun yeni sponsoru və prezidenti Elvin Səfərli oldu.Mövsümün başlanğıcında kluba kifayət qədər böyük maliyyə ayrıldı. Komanda qış fasiləsində Türkiyəyə yola düşdü və təlim-məşq toplantısını Antalya bölgəsində keçirdi.Orada Ukraynanın "Dnepr", Qazaxstan Premyer Liqasının "Okjetpes" və "Tobol" kimi komandaları ilə hazırlıq oyunlarını keçirdi. Lakin mövsümün ikinci dövrəsində komanda o qədərdə uğurlu çıxış etmədiyi üçün baş məşqçi Qəhrəman Əliyev ilə yollar ayrıldı. Bundan sonra Badri Kvaratsxeliya klubun baş məşqçisi təyin olundu və komanda turnir cədvəlində 6-cı yerdə qərarlaşaraq mövsümü bitirdi. Klubda olan maliyyə problemləri səbəbindən 2017-ci ilin iyun ayında Şəmkir Futbol Klubu ikinci dəfə fəaliyyətini dayandırdı.

Heyəti[redaktə | mənbəni redaktə et]

2014/2015 mövsümü üçün heyəti (1 mart 2015)

Nömrə Ölkə Mövqeyi Futbolçu 16 GK Zaur Abbasov 88 GK Yaməddin Əliyev 4 DF Orxan Məmmədov (Kapitan) 5 DF Elvin Hacıyev 6 DF Əfqan Pirquliyev 7 MF Pərvin Paşayev 8 MF Ramil Allahverdiyev 9 MF Rövşən Əmiraslanov 10 MF Orxan Müzəffərli 11 FW Bəxtiyar Məsiməliyev 14 MF Vüqar İbrahimov 15 MF Elnur Şiriyev 17 FW Mahir İbrahimov 20 FW Azər Məmmədov 22 MF Qeyrət Qənbərov 25 MF Qərib İbrahimov 57 MF Anar Rzayev 66 DF Üvi Qaçaylı 73 DF Məhəmməd Hüseynov 92 MF Cavid Mirzəyev 99 MF Elmin İsmayılzadə

Komandanın keçmişində əməyi olanlar[redaktə | mənbəni redaktə et]

Keçmişindəki məşhur futbolçular[redaktə | mənbəni redaktə et]

• Rauf Mehdiyev
• Hüseyn Məhəmmədov
• Mehman Yunusov
• Nizami Ocaqverdiyev
• Xəqani Məmmədov
• Xaliq Mərdanov
• Faiq Cabbarov
• Əli Abıșov
• Vidadi Rzayev
• Mahmud Qurbanov
• Rövşən Əhmədov
• Azər Məmmədov
• Badri Kvaratsxeliya
• Aslan Kərimov
• İsmayıl Məmmədov
• Emin İmaməliyev
• Viktor Kulikov
• Kənan Kərimov
• Mirbağır İsayev

Keçmişindəki baş məşqçilər[redaktə | mənbəni redaktə et]

• Əfqan Talıbov (1997-1998)
• Ağasəlim Mircavadov (1998-2001)
• Qəhrəman Əliyev (2001-2005)
• Faiq Cabbarov (2009-2011)
• Anar Kələntərov^[2]. (2011-2013)
• Ruslan Abbasov^[3]. (2013-2015)
• Kamran Əlibabayev^[4]. (2015-2016)
• Qəhrəman Əliyev^[5]. (2016-2017)
• Badri Kvaratsxeliya^[6]. (2017, sonuncu)

Keçmişindəki prezidentlər[redaktə | mənbəni redaktə et]

• Şahbaz Süleymanov(1997-2005)
• Fərid Hüseynov (2014-2016)
• Elvin Səfərli (2016-2017)

Uğurları[redaktə | mənbəni redaktə et]

• Azərbaycan çempionatı:
  • Qızıl medal (2) - 1999/2000, 2000/2001
  • Gümüş medal (2) - 1998/1999, 2003/2004
  • Bürünc medal (1) - 1997/1998
• Azərbaycan Kuboku:
  • Finalçı (2) - 1998/1999, 2003/2004

Avropa kuboklarında iştirakı[redaktə | mənbəni redaktə et]

4 dəfə Avropa kuboklarında iştirak etmişdir. Azərbaycanı 2 dəfə UEFA Kubokunda və 2 dəfə də UEFA Çempionlar Liqasında təmsil etmişdir.

Beynəlxalq Futbol Tarixi və Statistikaları Federasiyasının reytinq cədvəlində[redaktə | mənbəni redaktə et]

2010-cu il noyabrın 26-da açıqlanan klublarının XXI əsr üçün reytinqində ilk onilliyi 92,5 xal ilə Azərbaycan klubları arasında 10-cu, dünyada isə 790-cı pillədə başa vurmuşdur^[7].

Stadionu[redaktə | mənbəni redaktə et]

Şəmkir şəhər Olimpiya İdman Kompleksinin stadionu

İstinadlar[redaktə | mənbəni redaktə et]

1. ↑ Olimpiya mükafatçısı "Şəmkir"ə həyat verdi^{[ölü keçid]}
2. ↑ "Azərbaycan futbolunda daha bir məşqçi istefaya göndərildi". 2024-03-20 tarixində arxivləşdirilib. İstifadə tarixi: 2024-03-20.
3. ↑ "Şəmkirin eyniadlı komandası hazırlığını davam etdirir". 2024-03-20 tarixində arxivləşdirilib. İstifadə tarixi: 2024-03-20.
4. ↑ Kamran Əlibabayev: Kubok oyununa ciddi hazırlaşmışdıq
5. ↑ "Qəhrəman Əliyev "Şəmkir"dən istefa verib". 2024-03-20 tarixində arxivləşdirilib. İstifadə tarixi: 2024-03-20.
6. ↑ "Badri Kvaratsxeliya rəsmən "Şəmkir"də". 2024-03-20 tarixində arxivləşdirilib. İstifadə tarixi: 2024-03-20.
7. ↑ Reytinqə sözardı, yaxud "Neftçi" "Qarabağ"ı necə keçdi? Arxivləşdirilib 2022-02-18 at the Wayback Machine  (az.) apasport.az tarixi:2010.11.27

Azərbaycan Birinci Liqası
Komandalar	Ağsu • MOİK • Mil-Muğan • Şamaxı • Qaradağ • Şüvəlan • Şəmkir • Turan Tovuz FK • Sabah • Xəzər • Zaqatala
Mövsüm	1992 • 1993 • 1993-94 • 1994-95 • 1995-96 • 1996-97 • 1997-98 • 1998-99 • 1999-00 • 2000-01 • 2001-02• 2002-03 • 2003-04 • 2004-05 • 2005-06 • 2006-07 • 2007-08 • 2008-09 • 2009-10 • 2010-11 • 2011-12 • 2012-13 • 2013-14 • 2014-15 • 2015-16 • 2016-17 • 2017/2018 • 2018/2019 • 2019/2020 • 2020/2021 • 2021/2022 • 2022/2023 • 2023/2024

Futbol klubu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.