İsmət Abasov
Abasov İsmət Dursun oğlu
Azərbaycan Respublikası Baş Nazirinin müavini 22 oktyabr 2013 — 21 aprel 2018
Azərbaycan Respublikasının Kənd Təsərrüfatı Naziri 23 oktyabr 2004 — 22 oktyabr 2013
Sələfi	İrşad Əliyev
Xələfi	Heydər Əsədov
Şəxsi məlumatlar
Doğum tarixi	25 may 1954 (68 yaş)
Doğum yeri	İrəvan Ermənistan SSR SSRİ
Milliyyəti	azərbaycanlı
Partiya	Yeni Azərbaycan Partiyası
Təhsili	Azərbaycan Xalq Təsərrüfatı İnstitutu
Fəaliyyəti	Dövlət xadimi
Atası	Dursun Abasov
Elmi fəaliyyəti
Elmi dərəcəsi	İqtisad elmləri üzrə fəlsəfə doktoru
İş yeri	Azərbaycan Respublikası Nazirlər Kabineti
Təltifləri
Vikianbarda əlaqəli mediafayllar

İsmət Abasov (25 may 1954, İrəvan) — Azərbaycan Respublikasının keçmiş kənd təsərrüfatı naziri, İqtisad elmləri üzrə fəlsəfə doktoru, Yeni Azərbaycan Partiyasının üzvü. Azərbaycan Respublikası Baş nazirinin müavini.

Həyatı[redaktə | mənbəni redaktə et]

İsmət Dursun oğlu Abasov 25 may 1954-cü ildə İrəvan şəhərində anadan olmuşdur^[1]. 1971-ci ildə İrəvan şəhəri M.F.Axundov adına 9 saylı orta məktəbi, 1976-cı ildə D.Bünyadzadə adına Azərbaycan Xalq Təsərrüfatı İnstitutunu bitirmişdir^[2]. 1976–1980-ci illər Azərbaycan Dövlət Üzümçülük və Şərabçılıq Komitəsində Təchizat, Tədarük və Satış İdarəsində böyük mühəndis və şöbə rəisi, 1980–1989-cu illər Bakı Şampan Şərabları zavodunun planlaşdırma-istehsalat şöbəsinin rəisi və kommersiya məsələləri üzrə direktor müavini, 1989–1990-cı illər Bakı biskvit fabrikinin iqtisadi məsələlər üzrə direktor müavini, 1990–1993-cü illər Bakı 1 saylı şərab zavodunun iqtisadi məsələlər üzrə direktor müavini, 1993–1997-ci illər Bakı tütün kombinatında istehsalat üzrə direktor müavini, inzibati direktor, 1997–2004-cü illər Respublika Kənd Təsərrüfatı nazirinin 1-ci müavini işləmiş, 23 oktyabr 2004-cü ildən 22 oktyabr 2013-cü ilə kimi isə Respublikanın Kənd Təsərrüfatı naziri olmuşdur.

İqtisad elmləri üzrə fəlsəfə doktorudur, 1990-cı ildə Bakı şəhər Sovetinin deputatı seçilmişdir. 1993-cü ildən Yeni Azərbaycan Partiyasının üzvü, 2005-ci ildən isə Yeni Azərbaycan Partiyasının Siyasi Şurasının üzvüdür.

22 oktyabr 2013-cü ilə kimi Azərbaycan Stolüstü Tennis Federasiyasının prezidenti idi.

İsmət Abasov 2010-cu il may ayının 13–14-də İrəvan şəhərində keçirilən BMT-nin Ərzaq və kənd təsərrüfatı təşkilatı — FAO-nun 27-ci regional konfransında Əli Bayramov və Rəşad Məcidov ilə birgə iştirak etmişdir^[3].

22 oktyabr 2013-cü ildə Azərbaycan Respublikası Kənd Təsərrüfatı naziri vəzifəsindən azad edildikdən^[4] sonra həmin tarixdən Azərbaycan Respublikası Baş nazirinin müavini təyin olunmuşdur.

23 may 2014-cü ildə "Şöhrət" ordeni ilə təltif edilmişdir.^[5]

Ailəlidir, iki övladı və beş nəvəsi var.

Əsərləri[redaktə | mənbəni redaktə et]

• "Azərbaycanın kənd təsərrüfatı", Bakı, "Elm və təhsil" 2010. 592 səh. +24 səh.şəkil. 500 tiraj.
• "Ərzaq təhlükəsizliyi və kənd təsərrüfatının prioritet istiqamətləri", Bakı, "Elm və təhsil" 2011. 640 səh. +60 səh. şəkil. 500 tiraj.
• "Azərbaycanın və dünya ölkələrinin kənd təsərrüfatı". Bakı, "Şərq-Qərb" Nəşriyyat Evi, 2013. 712 səh, 500 tiraj^[6].

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]

	Vikianbarda İsmət Abasov ilə əlaqəli mediafayllar var.