Çingiz Mustafayev (müğənni) — Vikipediya

Çingiz Mustafayev
Ümumi məlumatlar
Ləqəbi Chingiz
Doğum tarixi (33 yaş)
Doğum yeri Moskva, Rusiya SFSR, SSRİ
Vətəndaşlığı  Azərbaycan
Musiqiçi məlumatları
Fəaliyyəti müğənni
Fəaliyyət illəri 2007–h.h.
Janr
Musiqi alətləri vokal, gitara
Təhsili
Vikianbarın loqosu Vikianbarda əlaqəli mediafayllar

Çingiz Mustafayev (d. 11 mart 1991, Moskva, Rusiya SFSR, SSRİ) — Azərbaycanlı müğənni. 2012-ci ildə "Palmas" musiqi qrupunu yaradıb.[1] "Truth" mahnısı ilə Azərbaycanı İsrailin Tel-Əviv şəhərində keçirilən 2019 Avroviziya Mahnı Müsabiqəsində təmsil etmiş və nəticədə 8-ci yeri tutmuşdur.

Həyatı[redaktə | mənbəni redaktə et]

Çingiz Mustafayev Moskvada anadan olmuş və uşaqlıq illərini orada keçirmişdir.[2] Amma Sovet İttifaqı dağıldıqdan sonra baş verən qarışıqlıq dövründə o, ana vətəninə - Qazaxa köçür. Onun atası işinə vurğun həvəskar musiqiçi olmuş və dostları ilə birlikdə toplaşanda tez-tez piano çalar və ifa edərmiş. Baxmayaraq ki, Çingizə atasının musiqi qabiliyyəti irsən keçib, yalnız ispan musiqisinə olan gənc sevgi onda gitara çalmaq həvəsi oyatmışdır.

Qazaxdakı kənd həyatı Çingizə musiqi alətində ifa etməyi öyrənməyə kömək oldu, uzun yay günləri, diqqətin az yayılması və intuitiv musiqi qabiliyyəti təkrarsız və ritmik ifa üslubunun formalaşmasına gətirib çıxartmışdır.

Musiqi karyerası[redaktə | mənbəni redaktə et]

Çingiz Mustafayev 2011-ci ildə İctimai TV-də yayımlanan Avroviziya milli seçim turunda iştirak etmişdir. O, 2013-cü ildə Azərbaycanı Yurmalada keçirilən Yeni Dalğa müsabiqəsində təmsil etmişdir. Müsabiqə çərçivəsində Polina Qaqarina ilə bir səhnə alan Çingiz nəticədə 11-ci yerdə qərarlaşmışdır.[3] O 2016-cı ildə Ukraynanın Holos Krainy (Голос країни) səs yarışmasında iştirak etmişdir. Yarışmada iştirakını dayandırdıqdan sonra Çingiz özünün qurduğu Palmas qrupu ilə birlikdə çıxışlar etməyə başlamışdır. Onlar əsasən Azərbaycan milli musiqisini flamenko, rok və pop musiqisi ilə qarışdıraraq ifa edirlər.

8 mart 2019-cu il tarixdə Çingiz Mustafayevin "Truth" mahnısı ilə Azərbaycanı Tel-Əvivdə keçirilən Avroviziya 2019-da təmsil edəcəyi açıqlanmışdır.[4] Çingiz müsabiqə üçün aparılan uzun məşqlərdən sonra 16 may tarixində baş tutan yarımfinal mərhələsində 18-ci nömrə altında çıxış etmişdir. Nəticədə 224 xalla 5-ci yerdə qərarlaşaraq, final mərhələsinə vəsiqə qazanmışdır. Müsabiqənin finalında bir daha öz mahnısını ifa edən Çingiz 26 ölkə təmsilçisinin mübarizə apardığı şouda 302 xal toplayaraq, 8-ci yerdə qərarlaşmışdır.[5] Bu, Azərbaycanın müsabiqədə 2013-cü ildən bəri ən yaxşı nəticəsi olmuşdur.

Diskoqrafiya[redaktə | mənbəni redaktə et]

Sinqllar[redaktə | mənbəni redaktə et]

Mahnı adı İl
"Qürbət" 2018
"Get"
"Tənha Gəzən" 2019
"Truth"
"Bir Sözlə"
"Can can" 2020
"Vətənim Kimiyəm"
"Yanıma gəl"
"Dayan zaman"
"Gülzar istərəm (Məhəmməd Füzuli)" 2021

İstinadlar[redaktə | mənbəni redaktə et]

  1. "Çingiz Mustafayev yeni qrup yaradıb". www.bizimyol.info. www.bizimyol.info. Archived from the original on 2021-05-15. İstifadə tarixi: 24 dekabr 2016.
  2. "«Bir gün anama dedim ki, mənə gitara al»". olimpnews.az. olimpnews.az. 2016-11-08 tarixində orijinalından arxivləşdirilib. İstifadə tarixi: 24 dekabr 2016.
  3. "Известны участники «Новой волны-2013»". RUS TVNET (rusca). 2013-05-01. 2021-12-07 tarixində arxivləşdirilib. İstifadə tarixi: 2019-03-08.
  4. "Chingiz to represent Azerbaijan at Eurovision 2019". eurovision.tv. 2019-04-07 tarixində arxivləşdirilib. İstifadə tarixi: 8 mart 2019.
  5. "EBU issues statement on Eurovision 2019 Grand Final jury result". eurovision.tv. 22 may 2019. 23 May 2019 tarixində arxivləşdirilib. İstifadə tarixi: 23 May 2019.
Əvvəlki:
Aysel Məmmədova
"X My Heart"
Azərbaycan Avroviziya Mahnı Müsabiqəsində
2019
Sonrakı:
Samirə Əfəndiyeva

Xarici keçidlər[redaktə | mənbəni redaktə et]