"Krım müharibəsi" medalı — Vikipediya

"Krım müharibəsi" medalı
Kırım Harbi Madalyası
Ölkə	Osmanlı imperiyası
Tip	Medal
Kimə verilir
Krım müharibəsində döyüşmüş Osmanlı, İngiltərə, Fransa və İtaliya hərbçilərinə
Status	Təqdim olunur
Statistika
Təsis tarixi	1856
İlk təltif	1856
Son təltif	1900
Təltif sayı	20.000
Vikianbarda əlaqəli mediafayllar

"Krım müharibəsi" medalı — Krım müharibəsi səbəbilə yaradılan medal.^[1][2]

Haqqında[redaktə | mənbəni redaktə et]

Sultan Əbdülməcid dövründə (1839–1861) yaradılan medalın ön tərəfində zeytun budaqlarından meydana gələn çələng ortasında tuğra və Krım 1271 (1855/1856), arxa tərəfində silah və bayraqlardan yaranan gerbin altında La Crimea 1855 yazısı vardır. 36,5 mm həcmində, təxminən 24,25 qram ağırlığındakı medallar gümüşdən olmuşdur. Medalın dizayneri 1849-cu ildə Aya Sofyanı təmiri, 1855-ci ildə ingiliscə və fransızca olaraq Krım medalı, 1863-cü ildə Kənd Təsərrüfatı və Sənət sərgisi və 1876-cı ildə Plevne müdafiəsi və 1877–1878-ci il Rus-Türk müharibəsi medallarını dizayn edən və Osmanlı zərbxanası üçün işləyən Ceyms Robertsondur.^[3]

Digər dövlətlərdə istehsalı[redaktə | mənbəni redaktə et]

Bu medal Krım müharibəsində Rusiyaya qarşı Osmanlı imperiyasının müttəfiqi olan Fransa və İngiltərədə də istehsal edilmişdir.

Kraliça Viktoriya (1837–1901) dövründə İngiltərədə buraxılmış gümüş medalların ön tərəfində Kraliça Viktoriyanın şəkli, ətrafında Victoriya regina 1854 yazısı, arxa tərəfində Romalı döyüşçülər kimi geyinmiş döyüşçü və ona çələng taxan zəfər tanriçası (Viktoriya) və Crimea yazısı vardır.

36 mm həcmində, 31 qram ağırlığında olan bu medallar 1856-cı ildə Fransa tərəfindən də qəbul edilmişdir. Azov deyilən növləri dəniz qüvvələri mənsublarına ayrılmışdı.

Həmçinin bax[redaktə | mənbəni redaktə et]

• "İstiqlaliyyət" medalı (Türkiyə Respublikası)
• "Ləyaqət" medalı (Osmanlı imperiyası)
• "İmtiyaz" medalı (Osmanlı imperiyası)
• "Müharibə" medalı (Osmanlı imperiyası)

İstinadlar[redaktə | mənbəni redaktə et]